لما أولادي بيسألوني عن ربنا دايماً بلمح ڤايبس تحدي طالعة من عقلهم و خوف طالع من قلبهم 

تحدي اني هعمل الغلط و مش هيكون في رادع طالما محدش شافني 

و خوف ان ربنا هيحاسبني يوم القيامة لو عملت الغلط ده 

في الوقت ده بييجي السؤال بتاع هو ربنا عامل ازاي يعني هو فين و كده 

أول ما بييجوا يسألوني في الكلام ده بعرف ان في صراع جواهم بسبب انهم مش شايفينه فمش عارفين يكونوا فكرة 

Solid 

عنه و في نفس الوقت هايبينه من كلامنا احنا و إيماننا بيه

كل ده ليه بقى ؟ 

عشان تجربتهم في الحياة مش كبيرة لسه عشان يتعلموا عنه 

فبيلجأوا لأنهم يسألوا عنه 

—————

كل ده مفهوم من أطفال لسه في بداية تجربتها في الحياة 

بكرة الأيام هتغربلهم و يعرفوا الله حق المعرفة و يوقنوا بيه حق اليقين لو هما أذكياء كفاية 

بينما الانسان الكبير الغير ناضج ملوش حجة في عدم معرفته لله لذلك بيتحاسب 

لأن كان له جسم و عقل و قلب و روح و جسد يوصل بيهم 

بس هو استسهل و قرر يسيب كل قدراته و امكانياته البشرية و يلف في دواير مغلقة من الشر و الكارما