انا لا كنت عايزة منك حضن على سرير
و لا كان نفسى فى بوسة
انا بس كان نفسى
نقعد سوا على البحر
و بينا ترابيزة
عليها كوبايتين شاى بالنعناع و صحن بسبوسة
تمسك ايديا بحب
و ابصلك بحنين
و حالنا يعجب البحر
فيبعت لى موجه تفيض على شط قلبى العطشان
ف أبل ريقى و يبان علي قلبى و عليا
اتكسف و غمض عنيا
فتاخدنى فى صدرك ....
تخبينى و أدارى كسوفى
انا ما كنش نفسى فى حضن م العريان
أنا كان نفسى فى صدرك استخبى فيه
من المبصرين العميان
و ما كنش نفسى شفايفك ....
تبوسنى بوسة من بتاعت هند رستم
كان نفسى فى شفايفك أة
بس عشان تقولى :
بحبك .