حوار من الواقع 

_ و بعدين يا امل الجيران قالولى لو ماعملتيش عداد هايعملولك قضية؛ خفت و روحت عملت العداد و عاديكى ياختى ؛ قاعدة لا بيا و لا عليا لقيت المحصل جى لى بى بوصل ب ٣٠٠٠ جنيه 

_ ٣٠٠٠ جنيه معقول ؟ ليه ده انتى لوحدك !

_ و عيانة و مش بقوم من السرير و مش بشغل تليفزيون من الصداع و الشقة اخر دور طول النار نور فين و فين لما بولع لمبة و الراجل قال لى لو مادفعتيش هايقطع النور ؛ روحت قسطت و راجعة بضرب نفسى ميت جزمة و بغنى : كنت مرتاحة و انا بسرق ايه اللى جننى فى عقلى ???? و غلاوتك يا امل كنت مرتاحة و انا بسرق