احلف بعلو الصوت وقول

إن انا المحقوق

ودايمًا كنت كاتم 

وبإيدي هديت ما اتبنى

وقلبي قاسي ومفتري

أو إني ظالم 

وقول كمان  

قلبي مش راسي و مايع

وعمره ما اتحمل عشانك

وإني حرمتك من حناني

بخيل أنا ودايمًا بمانع

قول إني بعتك 

ويومها فوتك  

أو هجرتك 

لا وإيه 

قول شوفت غيرك 

بعد ما روتني بخيرك

قول يلا تاني

ما انت شاطر ف الكلام

ويا الأغاني

واحلف يمينك 

زي عادتك

وبكي عيوني  

عشان سيادتك 

 .. بس افتكرني ..

ده انا كنت بجري وراك 

يا غالي

ما أنت حلمي اللي اترسم 

ف قلب ليلي 

وف خيالي

كنت ليا الكون بحاله

ولو تغيب 

يتقلب حالي وحاله

واجري ادور ف الأماكن

وانت مع غيري تغني

وجرحي انا جوايا ساكن

جاي تغني اليوم عليا 

ولا ليا ؟

نفسي أصدق ايوه نفسي

بس .. لكن  ..