على أد ما اللي ظاهر مني إني عنيدة و ده حقيقي 

إنما عمري ما أتحدى راجل 

مش عشان مقدرش ! 

ولا عشان خايفة أتهزم ! 

لا لا 

عادي بالنسبالي اني مقدرش و عادي جداً بالنسبالي اني أتهزم 

انما عشان النوع ده من التحدي بيخرب روقانك و فطرتك و هدوءك 

و الحجات دي بالنسبالي أولوية بصراحة ! 

يعني محبش أزعق للأولاد عندي عشان موودي مقلوب بسبب واحد أياً كان مين هو ! بما فيهم أبوهم يعني 

لا لا بلاها خالص 

محبش أكون تنشن في شغلي بسبب ان البيت عندي فيه نكد ! 

محبش أحس ان حوالياً ناس بصاتهم بتخترق جسمي من شدة عدائهم تجاهي 

ولا أحب حد يحسسني اننا ند لبعض 

ولا أحب حد يقارنني بأي حد و بأي حاجة في المجمل 

فكل دي حجات بالنسبالي أهم بكتير من إني أدخل في مهاترات عن مين صح و مين غلط 

يا عم إنت صح 

و مفيش غيرك صح 

و كل اللي يتشددلك صح في صح 

آمين ؟