سيبيه ده مدمن 

 

 ده اكبر منك ب ٤٠ سنة 

 

 ده مؤذي و ده كذاب 

 

الخ الخ الخ 

 

طب تعالى اقولك 

 

هو المدمن مبيتحبش ؟ بيتحب عادي و متجوز عادي و فاتح بيت عادي و بيصرف عليه عادي بردو .... في مدمنين بيتهم ناجح اكتر من ناس طبيعية 

 

معاه فلوس يجيب المادة المخدرة و في ناس مبتعرفش تشتغل من غير ضرب أساساً ... شوفت ان بالعقل مكن اختيارك للمدمن يكون في صفك مش ضدك ! الا انه حرام و دي قصة تانية 

 

طيب و لو اتكلمنا في واحد اكبر منك ب ٤٠ سنة ... هو فرق السن بين عائشة رضي الله عنها و بين رسول لله كان كام سنة ؟ 

 

طيب الحد المؤذي أو الكداب ده ... هو حد فينا مأذاش و مكذبش في يوم م الأيام ! لو كل ما حد يغلط نسيبه و نروح لغيره متخيل كم التبديلات اللي هنعملها في الحياة الواحدة 

 

الحب عمره ما كان أعمى احنا اللي بنرفض نشوف بقلوبنا من كتر الخوف 

 

انها لا تعمى الأبصار لكن تعمى القلوب التي في الصدور.

 

يعني منحلش مشاكل بقى على كده ؟ 

 

مين قال متحلش مشاكل ! 

 

لو متجوزة مدمن بيتعافى .... يبقى بيحل مشكلته أحسن من نسوانجي و بيقنع نفسه انه بيدور على عروسة تانية 

 

و الكذاب و المؤذي اللي اعترف بغلطه و صلحه و عوض عنه أحسن من اللي شايف نفسه مبيغلطش و اللي مبيعرفش يعتذر 

 

و فروق السن و وصم الناس عموماً مش افعال ناس عاقلين ... كل واحد حر في اختياراته طالما شايل مسؤولية نفسه.