انا بجري ع الحيطة

لما بخاف الظل

وبجري ع الشارع

من خوفي مرة لا أضل

وبجري من خوفي

لحاجات بخاف منها

وبخاف من الضلمة

وبروحلها برجلي

وبخاف من المجهول

واما بقابله أجري

ياما عافرت كتير

ولا خدت يوم أجري

وسنين قضيتها في جري

والعمر اهو بيجري

عَد الشمال 4

عَد اليمين زيه

غربة ومتربعة

شيبة في سواد شعري

وكل يوم بيفوت

بيبان نهار ضيه

دم الجريح ينزف

واحد ورا التاني

تلاقيني وسطيكم

والوحدة لطّاني

ليل الوحيد بيطول

شايل وجع طيُّه

والجرح لو يتفتح

لابد من كيه