كل ما تكبر وتنضج هتبقى مش عاوز تقعد مع حد شيك وحاطط بارفان وبيتكلم لغات، هتبقى عاوز تقعد مع حد قلبه نضيف وكلامه طيب.

مش هتدور على لبس براندات، هتدور على لبس مريح

مش حتهتم بالأكل الموضة والافتكاسات، هتبقى عاوز تاكل اكل عادي زي اللي كانت بتعمله والدتك.

هتكره خروجات المولات والشوبينج وهتحب تخرج للهوا والطبيعة والتمشية، والأكيد الاكيد هتفضل قعدة البيت.

هتحب كل الناس، لكن هتميز واحد او اتنين بالكتير تكون معاهم على راحتك بدون رتوش. 

هتبطل تحكي همومك ومشاكلك وهتخرج للناس بوجه مبتسم، لكن وانت ساجد دموعك هتغسلك وربنا بس هو اللي سامعك.

هتبطل تجادل وهتفضل انك تحتفظ بالود، و هيبقى الود اهم من إثبات انك صح. 

هتحس انك راضي، راضي بكل اللي قسم بيه ربنا، وهتبطل تضغط على أي حد عشان أي حاجة.

هتحب فل سطين وهتساند القضية وهتعرف ان محدش باع الأرض وانهم خدعوا العالم، ومش هتبطل تتكلم عنها رغم عن انف مارك الزفت🍉🍉🔻🔻

وصلت لكل ده؟ مبروك انت وصلت للحكمة، لبهجة الحياة الحقيقية.

بونجور يا حلوين

دينا عاصم