بناتي المفترض انهم في مدرسة عريقة من التجريبيات اللغات اللي تشوف المبنى وجماله والاتساع والدلع وو تشعر انك في حلم جميل للأسف واضطريت اخليهم في حضانة لحد سن 5 سنوات علشان يتفضلوا ويقبلوهم، لأنها جنب البيت وهنوفر وقت واجهاد عليهم

ده غير اني مؤمنة ان مدارس الانترناشيونال واللغات العادية فنكوش وفلوس على الفاضي 

حال المدرسة بعد ما كانت فاكهة المدارس فضل "يدحدر ويتبهدل" 

 لدرجة انهم في الاعدادية ومن سنتين يعني من اول اعدادي هناك عجز في المدرسين ووصل العجز لدرجة ضم الفصول في مدرج كبير متسخ ومليان تراب علشان ياخدوا الحصص اللي غالبا محدش بيدخل لهم فيها،، السنة اللي فاتت مكانش فيه مدرس عربي فدخل لهم "مستر الكانتين" ايه مستر الكانتين ده يا عيال؟؟ ده المستر اللي ببيبع لنا الحلويات والشسيبسي بيدينا عربي !!!

هو ده يرضي مين يا جماعة الخير يا بتوع طارق شوقي كميل واحنا اللي وحشين؟؟ الازمة بقالها سنوات وهو ولا هنا كان قارفنا بالتابلت وام التجارب اللي جربها فينا

طب انا اعمل ايه فيه طفل في اعدادية ياخد دروس في كل المواد؟؟؟ انا دلوقت مضطرة اديهم دروس في كل المواد، فيه اطفال يتعمل فيهم كده؟؟؟؟

****ملحوظة البنات بيروحوا لثنين وخميس فقط وهذه كارثة اصلا ان طفل في عز سن الدراسة يتعود انه ميروحش المدرسة يوميا