فنان تشكيلي بيشكيلى

على رسمه وفنه بيحكلى

راح زمنه وعمرة ف دواوينه

يارموز الفن كفاية اصحو

هانور مصر بقناديلى 

وهمسح دمعى بمناديلى

ولا يوم حد يبكينى

دا فنى هو اللى باقيلى

العمر خلاص انا ضيعته

لكن فنى اللى باقيلى

دى لوحة لبحر بألوانه

ودى لوحة بنت غجرية

رابطة رأسها بتربيعه

بتضرب رمل وتقول ودع

وشوش الدكر ياجدع

ودى رسمه لبنت حبيتها 

فى خيالى وانا ربيتها

كبرت فجأة وهربت منى

جسدت جمالها فى لوحاتى

وشجرة ورد انا زارعها

على لوحة خضرا ورويتها

بالوانى الزاهيه وعصافيرها

تضلل بنت بضفايرها

وولد غاوى الغناوى

وانا لسه صغير وغاوى

الوان الضى فى عيونى

يانسمة الفجر الندية 

انا نفسى والله فى هدية

علبة الوان اخضر واصفر

وارسم عاالرمل بحنيه 

اطفال فرحانه وشقيه

وانزل انا اقعد وسطيهم

واحكى حدوته شقيه

عن فنان شقى وغاوى

يرسم احلام ورديه

 على خد جميل بجلابيه

ماشى فى الصحرا وحديا

يانجوم الليل تعالى 

نتونس بالعمر الهارب

منى ومن كل ماليا

يازمن عجيب ماتهدى

ياتسكت بقى وتريحنا

إن مت فى يوم افتكرونى

دا انا فنى اللى ف يوم ماسبته

لسه بيعزف الحانى