على باب المرسى ابو العباس

نقابل ناس ونعرف ناس

وشوش الناس كما الكراس

نرسم فيها بالإحساس

وجوه راضيه ومبتسمه

تقيد فى شموع على الاعتاب

تقول دا ندر وعليا أوفى الدين

جيت لرحابه ومش قادرة

وعكازى اهوه فى ايدى

أوفى الندر ياسيدى 

ياابو العباس يامرسى 

جيت بميعاد ازور لعتاب

واول مره في رحابك

قرأت الفاتحه لكتييييير ناس

نسيت يومى نسيت امسى 

والله حتى نسيت نفسى

ابو الاخلاص يامنور قلوب الناس

روحك حلوه وريحانك عطر لناس

على بابك كتير جلاس

ناس رايحه وناس جايه

تزور لعتاب وفرحانه

بسيد الناس بجواره ابو العباس

والست حلوة و سكرة

ست المكان مندرة

مدد مدد ابو العينين

نظرة رضا ياسيدى ابراهيم

دى عمتك منورة

ست الحبايب مندرة

اروح لمين ياترى

سيدى البوصيرى من هنا

الله الله على جمعكم

فى اطهر مكان يا اولياء

سيدى ابو الفتوح نظرة لنا

دعوة جميله لجمعنا

نفرح نشوف كل المنى

انا جيت ازور حيكم

نظرة رضا انا بنتكم

يارب انول كل المنى

وازور حبيبى رسول الله 

واقف هناك فى الروضه

واقوله ياسيدى وحبيبى 

نفسى اعيش جارك هنا

دى المدينه منورة

بحبيب روح قلبى انا

سيدنا النبى بيحبنا 

لجل ابن بنته عندنا 

سيدنا الحسين وحشتنا

مدد مدد بدون عدد

مدد ياسيدى ابو على

زين العابدين يامرحبا

بنورك ياسيدى فرحتنا

ستى الكريمه ياطاهرة

عاليه المقام بنت الزهره

انا نفسى ازور حيكم

واعيش كمان فى ضلكم

نظرة يانفيسة العلوم 

فى بحر هواك اسرح واعوم

يابنت سيدنا الانور

بحر علوم الكوثر

نفسى اكون لك جليسه

جوة المقام ياانيسة

ستى سكينه يااميرة

بنت الرباب ياحبيبه

بنت الحسين والنبى نظرة 

سكينة الروح لينا نظرة

ندخل رحاب ستى رقيه

الله الله عاالريحة ديا

مسك وكافور يامولاتى

وعود بخور ريحته قويه

نظرة ومدد منكم ليا

نظرة ومدد سيدى ابو العباس

زوارك كتير م الناس

حبيبى قلبى ابو الاخلاص 

دى نظرة حب واخلاص 

مدد مدد أسياد الناس

نظرة رضا يابوصيرى

 البورده حلوه وعجبانى

مدحت حبيبى ونور عيني

سيدنا النبى بوجدانى

مدد مدد ياانفوشى

حبك في قلبي منقوشى

الله الله على حيكم

مجمع كتير اولياء

ام الحنان ياأم محمد

نظرة رضا من اخوكى

ابو الاخلاص الزرقانى

من حبه اه اه يانى

يارب اجيلكم كل يوم

انتوا دوا للهموم

مدد مدد على العموم

نظرت رضا ياكرام

لفقيرة زارت حيكم

يارب اعيش بحبكم

وكل يوم اودكم

ازور لعتاب وحيكم

نظرة رضا لفقيرة

بحبكم سارت أميرة