ريحة خبيز امى
فكى ضفايرك ضليلة
يابنت الريف ياجميلة
ياامى ياست يااصيلة
يابنت الزرع والخضرة
يابنت الشمس والقمرة
يانبع الفرح ياطهرة
ويوم الخبيز امى من الفجرية
تكون صاحية تنخل دقيقها
وخميرتها من الليل جاهزة
وقبل الجارة ماتصحى
تكون خبزت نظفت بيتها
وريحة خبيزك ياامى ....................الله
لسانى عاشقة ريحتها
برغم سنين الموت والفرقة
لسة عاشقة طلتها
دى ريحة خبيز امى
مسك الجنة ريحتها
يابنت الريف يافصيحة
لسة فاكرة النصيحة
ربيتى وادبتى لوقت الشدة علمتى
جميلك تاج على راسى
ياامى وصحبتى وبنتى
دى ريحة خبيز امى هنااااااااااااااااااك
شماها ...الله ..... جاية من الجنة
دى ريحة خبيز امى
مسك الجنة ريحتها