أعذرني في السؤال

يا قلبي انت غبي

طيبتك مش شيئ حلال

لأ كُفر في مذهبي

أذيت نفسك بطيبتك

وغلطتي إني سيبتك

وانا سبق وقولت حبيبتك

حتغرّق مركبي

وانا كان واجب عليا

إني اتدخّل شوية 

وامنع جرح وأسية

يا مواجع قلّبي

في الحلم لسه بقية

وانا متفائل وهى

الدنيا علينا جاية

محتاجة إيمان نبي

..........................

مستني إيه يا قلبي 

لازم واقفة معاك

طبعا والذنب ذنبي

سيبتك تمشي بهواك

لكني خلاص انا مقرر

بدالك إنت انا حفكر

مسألة وقت مش أكتر 

واصلّح كل حاجة وراك

مسافة السكة وبسرعة

يا قلبي حعلمك توعَىَ

تسلم للي باع دمعة

وعامل فيها قلب ملاك

وهو حقيقتُه حاجة صعبة 

يا قلبي اتعلم اللعبة

ولو يحلف وبالكعبة

كلام فاضي وبكدبُه ملاك