بوسة منى للظروف
اللى حطتلى النقط فوق الحروف
عرفتنى ناس كتير على أصلها
بعد اما كان قلبى اتعمى خلتنى اشوف
والحمد لله ع التجارب كلها
كسبت خبرة كبيرة جدا منها
أنا مش حزين على أى حاجة خسرتها
سلمت نفسى لربنا ملقتش خوف
...........................................
ألف شكرا للقلوب
اللى فيها خلت الواحد يدوب
ناس مجرد لما تسمع إسمها
تفتكر كل الميزات تنسى العيوب
والحمد لله تانى إنى قابلتهم
وعلمونى إزاى أحب واحبهم
مين كان يقول انى ابقى واحد منهم
حالى اتصلح بيهم وقللت الذنوب
والحمد لله ع التجارب كلها
كسبت خبرة كبيرة جدا منها
أنا مش حزين على أى حاجة خسرتها
سلمت نفسى لربنا ملقتش خوف
بوسة منى للظروف
اللى حطتلى النقط فوق الحروف

اسلام ابو علم