اتفرجت على مسلسل كوري رائع

حلقة النهاردة وجعت قلبي بس طلعت منها بمجموعة حاجات رائعة قررت اخليها قصاد عيني طول الوقت 

وهي كالتالي ذكره 

*لما بتكتب حاجة من قلبك ... روحك بتبقى مكشوفة قدام كل اللي بيقراها لان حقيقتك بتبان في اللي بتكتبه. 

*اي وجع بتحسه وانت بتاخد تجاهه رد فعل زي الانتحار .. تاني قبل ما تنفذ وفكر في تأثيره ع الناس اللي تهمك .

* اتمسكوا بحبايبكم💕 قوي خاصة لو انتوا متيقن انهم بيحبوا التراب اللي انتوا بتمشوا عليه بجد قبل ما الموت يفرق بينكم اجباري 

 الم الفراق بعد الموت لا يحتمل ومش ممكن نتراجع بعده.

*في حاجات بتكرهنا في العيشة واللي عايشينها ... عادي خلق الإنسان في كبد 

 اللي مش عادي اننا منشوفش غير الحاجات دي ونتعمي عن الحاجات الجميلة في حياتنا اللي مفروض تبقى سبب نستمر علشانها في الحياة . استمتعوا .

*ممكن حد يغلط في حقك _من وجهة نظرك_ تحرى الدقة _علشان تبقى عملت اللي عليك_ واسأله ولو كان غلط تجاوز و متتخلاش الا لو وصلت لمرحلة انه موته يكون مش فارق معاك أو كرهته .

*الموت مش نهاية الالم .. ده بداية لالام اكبر هنتعرضلها لو اتمنينا الخلاص من مشاكلنا بالموت . 

كل يوم جنب الناس اللي بنحبها نعمة ... حسوا بيها واشكروا ربنا عليها