عدى على مصر أجيال و أجيال
في كل جيل كانت بتظهر مجموعة أسماء تستاهل بجد الحرق بجاز
سرقة .... نهب ... سلب .... استغلال نفوذ .....الخ
الشخصيات دي في منها
ناس محدش يعرف عنها حاجة
و ناس ورد ذكرها في قضايا كتير و كانت دايماُ بتطلع براءة !!!!!!!!
ليه ؟!!
علشان احنا في مصر
و في مصر القانون انتقائي بيطبق بالهوى و على المزاج
بالاضافة لأنه كمان بيطبق على الحرامية الصغيرين اللي بيسرقوا علشان ياكلوا أما الحيتان الكبيرة اللي تستاهل بجد ان القانون يطبق عليها و بأكبر قدر من القسوة فدول للأسف ما بيتحاسبوش
كبيرهم يشرفوا في الاحتياطي 6 شهور علشان الناس تهدى و بعده ما الناس تنسى ياخدوا حكم البراءة المتين - و كأن هو ده المطلوب من رب العباد !!!! -

معظم الشخصيات اللي أساميها هتتكتب هنا محدش حفظ أساميها الا
الأديب المصري المجهول عند ناس كتير و اللي تم التعتيم على موهبته و أعماله لأنه دايماُ ضد الأنظمة الناهبة لمصر و اللي هيموت قريب كمداُ
صنع الله ابراهيم