صباح الكهربا

 المقطوعة

ع الناس اللي م الغلب 

موجوعة

كرتونة زيت وشوية سكر

وخلايق م الزل

 م الصبح ملطوعة

الشمس حامية 

والمية قاطعة

دموع الغلابة النهاردا

 وبكرة ممنوعة

وامتحانات العيال ف المدارس

المذاكرة ف الضلمة 

بس مشروعة

حرام تدوق طعم الزاد ف النور

اكتب قصايد ف حب البلد 

تكون مسموعة

وامدح ف اللي خفف 

عليك الفاتورة

يا شعب ما يحمد نعمته

 اللي محتاجة موسوعة

يا كهربا براحتك اقطعي 

هو انا مسافر المريخ

ولا التكيف من اصله شغال 

طبطب علي جهلك 

وطيبة قلبك

بكرة تتنافس بلدك ع العز

 وفيه منقوعة