= جاءت ١١ شركة عربية (منهم ٤ من الامارات) ضمن أفضل مائة شركة طيران فى العالم وفقاً لتصنيف SKYTRAX.

٢- القطرية ????????

٤- طيران الإمارات ????????

١٣- طيران الإتحاد ????????

٢٣- السعودية ????????

٢٧- العُمانية ????????

٣٢- طيران الخليج ????????

٤٢- الكويتية ????????

٥١- طيران ناس ????????

٥٣- المغربية ????????

٧٠- فلاي دبي ????????

٨٨- طيران العربية ????????

طبعا حتسألوا عن مصر للطيران حاقولكم بس اصبروا عليا شوية معلش 

اهم تصنيف عالمي لشركات الطيران هو تصنيف SKYTRAX لانه بيصنف جودة الخدمات وحسب هذا التصنيف :

= اول مجموعة وهما الحاصلين على ٥ نجوم وفيها ١٠ شركات من شرق آسيا منها طبعا سنغافورة (الاولى على العالم) واليابان و الصين إضافة إلى القطريّة (الاولى السنة اللى فاتت والتانية السنة دى).

= تاني مجموعة وهما الحاصلين على ٤ نجوم ودي فيها ٦١ شركة طيران منها الإماراتية و السعودية و الفرنسية و لوفتهانزا و التركية (السادسة على العالم) و الإثيوبية (الاولى على افريقيا للعام السادس على التوالى) والمغربية.

= ثم تأتي المجموعة الاخيرة وهي الحاصلة على ٣ نجوم وده الحد الادنى وفيها ١٤٧ شركة اغلبها شركات طيران عارض وطيران اقتصادى على شاكلة ترنزافيا الفرنسية ومعاهم للاسف الشديد مصر للطيران (اللى هي اصلا اقدم شركة طيران فى افريقيا والشرق الاوسط والعالم العربي) ولكنها الان للاسف الشديد خارج تصنيف اول ١٠٠ شركة طيران فى العالم. 

= طب بلاش نبص على تصنيفها عالميا ولا حتى فى الشرق الاوسط لانه فضيحة (وبلاش نقول فلوس الخليج السبب لان التركية والمغربية لهما تصنيف مشرف) .. تعالوا نبص على ترتيبنا فى افريقيا .. اه والله افريقيا اللى بدأت طيران امبارح .. طبقا لتصنيف بيزنس انسايدر (اللينك فى التعليقات)

١ - الاثيوبية (الاولى افريقيا لسادس عام على التوالى و٤٤ عالميا)

٢- جنوب افريقيا 

٣- كينيا

٤- المغربية

٥- موريشيوس

٦- اير سيشيل

٧- الرواندية

٨- فلاي سافير (شركة جنوب افريقية)

٩- مصر للطيران اه للاسف التاسعة افريقيا.

١٠- فاست جيت (شركة جنوب افريقية بريطانية مشتركة)

فى هذا البوست ساكتفي بسرد الواقع المرير .. ولكن فى البوست القادم حاشرح ازاي الاثيوبية نجحت تبقى الاولى افريقيا لسادس عام على التوالي (وازى نجحت التركية تبقى السادسة على العالم) .. وفى البوست اللى بعده ان شاء الله حاقدم مقترحات محددة حتى تعود مصر للطيران لسابق عهدها .. سرد الواقع وتقديم الحلول هو منهجنا.