الليل ف عز الشتا
دَلَّك على الوِحده
و إنت إللى لو خطيت؟
معدود خُطااااك واحده...
فمتشتكيش همك
للَّيل و أوجاعُه
قلبك دفاه حضنك
غيرك ماحيساعُه
حاسب على خطوتك
واعرف طريق عودتك
ايدك على دَفِّتَك
عينك على شراعُه
....
اوعاك تقول صاحب
وللا صديقى الوفى
وقت الرخا همزتك
والشِدَّه هاء تختفى
يبقى انت كيف تشكتى
ليلك مع وحدتك
لما الشتا علتك
بإشاره بِصباعُه ..
.......
الوحده شيئ ممتع
زى الحجاب حاجب
ماتقولش صاحب جدع
فى الدنيا يتصاحب
قال لك هكون ضلك
وابقى إللى فاضلك
لو يوم فاتوك الكل ؟
الكل أهم فاتو
قلبك وحيد ذاتو
عانيت غياب الخِل
......
خليك كده زيي
عافر بقى لوحدك
ماليش صحاب جمله
القصه مش حامله
والصاحب إللى يخون
اطويه كما طيي