إهداء//
الى من امتلكت كل نبضة تحيينى،الى من احبها بعدد انفاسى
الى غاليتى
ابنتى ...ساجدة ♥
الحب كله حبيته فيها ....
.......................................
ح(1)
ƒc ƒcƒc ƒcƒc ƒcƒc ƒcƒc ƒcƒc ƒc
عربية رمادى احدث موديل السنة ...وقفت تركن طالع منها صوت عالى من الاغانى
طلع منها شاب ف اواخر التلاتينات
دقنه منبته، ومحددها
لبسه مهندم والوانه هادية
بس ططالع بيغنى منها بصوت عالى كأنه فكوكب لوحده
قفل ال mb3
وقفل العربية كلها..وطالع
قابله البواب بيفطر هو ومراته
عم رضوان البواب:صباح الخير يا دكتور حسن
حسن: صباح النور ياعم رضوان
البواب: الف مبروووك ربنا يتمم ع خير يارب
حسن: الله يبارك فيك بس ع ايه ؟؟
البواب بص لمراته ورجع بصله تانى : ع ايه ده ايه يا دكتور
حسن سابه وهو بيضحك وطالع لشقته وهو بيدندن برضو
لقى ف صوت اغانى عاليه طالعه من شقته ..بيفتح الباب
فوشه بنوتة معدية بتزغرد
لولولولولولولولولولولولى
وقف استغرب وبص فساعته وكلم نفسه
حسن: زغاريد الساعه 11 الا تلت الصبح
(وقف البنت) انتى مين
سابته ومشيت وهى بتضحك
حسن: (طلع خطوتين يقرا رقم الشقه بتاعتهم ورجع تانى ) هى شقه 11
شقتنا
مين دول؟؟!
وفجأة جت بنوتة كيوت اوووى ، وشها بيبى فيس
وشعرها ناعم وطويل جاية..وجاى شعرها يجرى وراها
وحضنت حسن وباسته
سلمى: حسن!! حبيبى انت جيت
حسن: (بيبوسها) اه يا لولى جيت...فيه ايه ايه كمية البنات دى
وايه الزغاريد دى
هو انتى اجرتى الشقه من ورايا؟
سلمى: ههههه اخص عليك وربنا ازعل منك..يعنى مش عارف ولا عامل نفسك مش عارف
حسن: مش عارف وعامل نفسك ومش عارف وكمية الى مش عارفين فالجملة ده
م تقولى فيه ايه
سلمى: حسن متبقاش غلس!! انهاردة فرحى يا حسن
حسن: فرحك !! من ورايا
سلمى: (ضربته ضربه خفيفه فصدره ) هههه اعمل ايه اذا كان اخويا فملكوت تانى لوحده ، بقالك يومين مش بتيجى البيت
حضرتك طبعا
ومش حضرت حنتى امبارح
ولا اى حاجة ليا
حسن: (باسها من دماغها) حبيبتى الف مبروووك يا لولى
بس انتى عارفة
اخوكى
(بيتكلم وداخل اوضته وسلمى وراه)
مشاغله كتير وكده
سلمى: مشاغلك كتير مش ع اختك حبيبتك ..ده انا الوحيدة
حسن: ياستى مش الحج محمد معاكى هو ومراته
سلمى: ايوة محمد مش سايبنى خالص ومراته معايا فكل حاجة
بس برضو انا عايزاكم فكل حاجة
انتو اخواتى الى طلعت بيهم من الدنيا
مش كفاية فيوم زى ده مش معايا لا بابا ولا ماما ولا حتى اخت بنت !(قالتهم بحزن)
حسن: (حضنها وبص لعنيها) حبيبتى احنا كلنا جمبك متزعليش بقى
وهما بيتكلمو طلعت بنت من اوضته وبتزغرد
حسن بص عليها
حسن: مين دى
سلمى: اصحابى يا حسن..
حسن: طيب خدى شلة العوانس دول واقفلى الباب وراكى وهدى صوت الاغانى شوية
عايز اناااااام
سلمى: تنام!!!
حسن: اه انام ..فيها ايه
سلمى: حسن انت عارف الساعه كام ، وانا امتى هطلع عالكوافير
وامتى فرحى هيبدأ ووو
حسن: (مسك بوقها) شششش ، ساعتين بس وهقوم اجيلك
بس احاول اظبط الطاسة
بقالى يومين مش بنام والله
سلمى: (زقته) خلاص روح نام يا حسن..روح
حسن: طب يلا (زقها برة الاوضة وقفل الباب ورمى نفسه ع سريره)
برة بقى
سلمى ماشية تكلم نفسها ...
سلمى: كده يا حسن ماشى ...ماشى
وقفتها صاحبتها
مايا: بت يا سلمى ، ايه الى مرجع اخوكى الصبح كده من شغله
عايزة تقوليلى فيه مجانين بيقعدو يكشفو للصبح
سلمى: اصلا دى عيشة حسن، العيادة يطلع منها ع نايت
مايا: نايت!!
سلمى: ايوة متستغربيش..بيروح يسمع بنت صوتها حلو كده بتغنى هناك
خدنى مرة معاه وسمعهالى
مايا: وهو ازاى يوديكى اماكن زى دى
سلمى: م انتى عارفه حسن ..مجنون!
مايا: وبعد النايت
سلمى: بعد النايت بيكون الفجر قرب يدن يروح المسجد يتوضى ويصلى وو
مايا: مسجد!! مسجد مين ؟
ازاى
سلمى: اه والله هههههه بصى انا حفهمك الى ميعرفش حسن كويس
يقول عليه مجنون رسمى فهمى نظمى
بس الى يقرب منه يعرف ع طول انه
مايا: لاسع!!
سلمى: بالظبط هههههه هو بيروح النايت ده مش بيشرب حاجة هناك عشان يحافظ ع وضوءه يدوب حاجة ساقعه ويقعد يسمع البنت دى
ويصلى ويطلع يفطر مع اصحابة من ع عربية فول
ويتمشى شوية
ويروح كافيه بتاع واحدة صاحبنه..يطلب ال لاتيه بتاعه المخصوص يعدل دماغه
وييجى ينام
ويقوم يصلى الفروض الى عليه
ويعيد يومه
مايا: ممممممم احنا لو قعدنا نحكى ع اخوكى المجنون ده مش هنخلص..وانتى فرحك انهاردة
يلا ياختى نشوف ورانا ايه
سلمى: يلا !!
ƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒc
اضواء هادية ...
وعالبيست ،سلمى وعريسها
والبنات والشباب بيرقصو حواليهم
فعنيكى عارفه انا شوفت ايه ..شوفت حلم انا نفسى فيه
كنت عايش طول حياتى مش لاقية
من يومها حبيتك اوام
فاكر انا كل الكلام
حتى لون لبسك يوميها مش ناسيه...
وحسن واقف من بعيد بيبصلهم ويضحك ،وماسك ف ايده كاس بيشرب منه
وقرب ناحيته وحط ايده ع كتفه
محمد:حسن! واقف بتعمل ايه ؟
حسن: بتشمس
محمد: هههه بتتشمس..و بتشرب ايه ياحسن
حسن: هو انا واقف فالمديرية ولا ايه ايه واقف ليه
بتشرب ايه
جاى ليه
طلع رخصتك
محمد: (بيشم بوقه) حسن! انت بتشرب ففرح اختك
حسن: اه
محمد: ففرح اختك؟!
حسن: مش فاهم ايه الاستغراب ده ..مالو فرح اختى جامع فرح اختى مينفعش اشرب فيه
محمد: انت بتستهبل ! ده بدل م توقف جمبها صاحى ومفوق كده
حسن: وانت شايفنى سكران يعنى.محمد الله يخليك مش طالباك ففرح اختك
خالص نهائى
محمد: اصلا ولا عمرك هتبقى راجل
حسن: كفاية انك انت راجل ياعم
محمد: ايه الاستهتار الى انت فيه ده
حسن: يووووه (ساب المكان الى هو فيه ووقف فحته تانية)
فجأة راح ناحية الدى جى
حسن: بقولك ايه ..الفرح ميبقاش فرح بالناس الى انت مشغلها دى
الدى جى مان: اؤمر حضرتك
حسن: الامر لله حبيب قلبى ..بص انت جو جنيفر وانريكى وحماقى وعمرو دول مياكلش
الفرح ميبقاش فرح الا بالمهرجانات
دى جى مان: يعنى عايزنى اشغل مهرجان
حسن: اوكا واورتيجا والليثى وعيييييييش
دى جى مان شغل اغنية لخبطلى خالى لمحمود الليثى ..حسن انبسط وعمل بايده اوووكـ
ومسك الجاكيت بتاعه وقلعه وحطه ع جنب ومسك ايد سلمى يرقص معاها
وقام الفرح ولع مرة واحدة
وكل البنات قامت حواليهم ...وكان كل شوية يمسك بنت بنت يرقص معاها
والى تضحك والى تتماشى معاها
وعمل جو للفرح فعلا,,
ومن وسط كل البنات جت واحدة مسكت ايده ورقصت معاه
كانت لابسه فستان اسود قصير
وشعرها مصبوغ احمر
وعيونها واسعه وجميلة
حسن عجبته اكتر بنوتةفيهم برغم انهم ميعرفوش بعض..بس توقع انها من صحاب سلمى اخته
وعادى يعنى
من بعيد واقف محمد ومراته ...
عنان: دى حركات اخوك يعملها ...حد يقول ياناس ان ده دكتور
محمد: شكله اتهبل زى المرضى بتوعه وبقى زيهم
عنان: ههههه لا معلش يا محمد انا من يوم خطوبتنا وشايفه ان حسن لاسع
محمد: انا مش عارف هو ليه الوحيد الىفينا الى دماغه عاملة كده
عنان: بس تعرف (كاتمه الضحكة) الى زيه ميكبرش ابدآ
يعنى هو اكبركم
بس تبان انت الكبير ..
محمد: عايزة ايه من واحد ضارب الدنيا طناش وعمره م حب يتحمل مسئوليه
يكبر ازاى
عنان:(بتسمع محمد جوزها ومركزه مع حسن والبنت الى بترقص معاه)
محمد: انتى مركزة مع ايه ؟
عنان: ابدآ البنت الى بترقص مع حسن تحس انها تعرفه
مش غريبة عنه اقصد
محمد: تلاقى واحدة يا من ملاحيسه يا من اللستة بتاعته
عنان: لا ياشيخ دى شكلها بنت ناس ..
محمد: هههههههههههههه
الاغنية خلصت وحسن وقف ع جنب البيست ياخد نفسه ... ولسه الشباب مولعين الفرح بعد م هو ابتداه
وجت البنوتة ناحيته
البنت: بترقص حلو اوى يا ابيه ..ا
حسن: انا نفسى اتقطع ..(خد باله) ابيه!!
اه انا اخو سلمى الكبير..بس مش لدرجه ابيه يعنى
قوليلى ياحسن
البنت: وانا ايه ذنبى اذا كنت متعودة سنين اقولك يا ابيه
حسن: ابيه منين هو انا اعرفك
البنت: هههههههههه
حسن: وبتضحكى كمان
البنت: يعنى مش بتشبه عليا طيب
حسن: لا بصراحه معروف ان الميكاب بيخفى 80% من العيوب يعنى جايز دلوقتى انا شايفك
ولا الاميرة ديانا
وفجأة حقيقتك عائشة الكيلانى
البنت: هههههههه انت جرئ اوى
لا ع فكرة انا مش متقله ميكاب عشان الناس تتعرف عليا بسهوله
حسن: هههههههههه اسف بس مش بحب اجامل
البنت: ولا يهمك ..مانا عارفاك
حسن: عارفانى منين بقى متخليش دماغى تلف
صاحبة سلمى من زمان
البنت: ههه ممممم صاحبة سلمى وانت وابيه محمد
حاجة زى كده
(وهى بتتكلم رفعت خصله شعر من ع وشها فبان جزء زى الندب او خياطة بسيطة كده فجبهة وشها)
حسن: ممممم تمام
حسن مكانش ليه اهتمام يتعرف عالبنت دى..مبيحبش يتعب نفسه ف الغاز
قفل حوارهم بكلمة تمام
وسابها وقعد ع تربيزة بعيدة شوية
طلع حجات من جيبه وطلب طبق صغير
جه عليه جرى محمد اخوه
محمد : هتلف ففرح اختك ؟
حسن: محمد هو انت الكويستشان مارك بتاع الليلة دى! شغال هتشرب ففرح اختك
هتلف ففرح اختك
محمد: يا اخى مرة تبقى كده عادى وتصرفاتك كويسة ..مرة لله
مش عارف تقعد كام ساعة ع بعض مظبوط
حسن: والمصحف زهقتنى من الفرح ويومه (وهو بيشاور بص ع ساعته) ايه ده !
يانهار ابيض
محمد: فيه ايه ؟
حسن: ممم لا مافيش ..اوعى
جرى ع سلمى وهى قاعدة فالكوشة جمب جوزها
وميل ع ودانها
"معلش لولى لازم امشى"
سلمى: (بصوت عالى ) تمشى!!
تمشى تروح فين
حسن: ايه السياح ده يا سلمى! عندى فرح لازم احضره بتاع واحد صاحبى
سلمى: فرح صاحبك!! تسيب فرح اختك وتروح لصاحبك
حسن: وفيها ايه يعنى
عنان مرات اخوه : يا دكتور حسن ازاى تسيب اختك فيوم زى ده
حسن: اختى ياستى ساعة زمن وهتروح مع جوزها وهتنسى ابويا مش انا شخصيآ
ورقص وهيصة وهيصنا
ووصلناها لجوزها بنفسنا
وتورتة وقطعوها
نستنى لما يخلفو كمان!
عنان: لا بصراحة مش فهماك
حسن: اختى خلاص قمت بالواجب معاها، صاحبى ليه واجب عندى ولازم ارده
معلش بقى
(باسها فدماغها وهى متنرفزة)
حد قالك اعملى فرحك فنفس اليوم بتاع صاحبى
سلام يااحلى عروسة (بيبص لعريسها) خد بالك منها ها!
نزل ومش ومحمد بيبص عليه باستياء..
ƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒc
ع آخر لحظة العربية بتفرمل!! وبتعمل صوت
بينزل بسرعه وبيدخل الكنسية
المكان مليان ناس ومعازيم...بنات وشباب زى القمر
دخل حسن بيبص حواليه شاورله من بعيد
باسم !
حسن: معلش اتأخرت
باسم: ياعم برنلك من بدرى
حسن: كنت ففرح اختى (بيبص ع مراسم الزواج )
باسم: فرح اختك! وسيبت فرح اختك وجيت لا خويا؟
حسن: هى ليه كل الناس بتستغرب انى سبت فرح سلمى وجيت ، هو انا لازم الزق فيه لحد الفجر يعنى
باسم: ياعم ده فرح اختك، انت لو كنت قولتلى كنت قدرت ده ومش استعجلتك
مانا اهو فرح اخويا مش هسيبه واروح مكان تانى
حسن: اعملهم ايه اذا كانو مدونيش خلفيه قبل الفرح
باسم: خلفيه!! ده انت فالضياع
خلصت المراسم والعريس باس عروسته وابتدت الناس تهنيهم
حسن فضل يقعد ورا مع صاحبه باسم مش بيحب الزحمة
وزى م يكون عينه اتشدت مرة واحدة ناحية
طيف لونه موف!
فستان رقيق
صاحبته واقفه قدامه ع طول وبتضحك ...حسن عنيه ركزت عليها
وباسم بيكلمه
باسم: بس ياسيدى ... حسن!
ياحسن
حسن: نعم
باسم: فينك
حسن: قولى يا باسم هما كل الى هنا تعرفهم
باسم: تقريبآ
حسن: البنت الى لابسه فستان موف فوشى دى تعرفها
باسم: انهى واحدة
حسن: انت بتبص فين (وجه راسه عليها) دى
باسم: اااااااااااه جيلان
دى جارتنا
حسن: جيلان!! حلو جيلان
ودى تبعكم ولا تبع الناس التانيين
باسم: الى هو ازاى ؟
حسن: يعنى مسيحية برضو ولا قبطية
باسم: لا نصرانية هههههه
حسن: طب قوم عرفنى عليها (قومه )
باسم: تتعرف ع مين استنى بس
حسن: طب احسن خليك مكانك (زقه يقعد تانى)
راح ناحيتها بهدوء وهى بتتكلم مع شلة واقفه معاها
حسن: الفستان ده تحففه ...ممكن اعرف جايباه منين
جيلان: ههههههه المفروض ان ده سؤال عادى من راجل
حسن: اه
جيلان: هههههههههههه
حسن: بتضحكى ليه والله عاجبنى
جيلان: ده جايباه من اتيليه فساتين صاحبته سورية
حسن: طب ممكن تعرفينى ع صاحبته
جيلان: ههههههه
حسن: (مد ايده) المفروض انى كنت هكدب واقولك عماد ولا بطرس ولا جرجس
عشان اتعرف عليكى
بس بصراحة الكدب خيبة
انا حسن
صاحب باسم (شاور عليه)
مكنش ينفع اروح انهاردة من غير م اتعرف عليكى وتوعدينى اشوفك تانى
جيلان: لا مش معقول ههههههههههه فيه ناس كده
باسم جه من بعيد وسند ع كتف حسن: دكتور مجانين ياستى
حسن: اسمها دكتور صحة نفسية وعصبية يا حيوان ، يعنى انا الى بيجينى مش بيطلع الا لو عامل دماااااغ
جيلان: هههههه مش عارفة ليه مش قادرة ابطل ضحك
حسن: ده بس عشان شوفتينى ..انا كده
دعوة للضحك واللعب والحب..مافيش جد
جيلان: مممم طيب اوعدك انى اجيلك عشان اعمل دماغ
باسم: هتروحيله العيادة ؟؟!
جيلان: اها
باسم: مكنتش اعرف انك عيانة يا جيلان ...طلعتى مجنونة
حسن: هستناكى
مشيت من جنبه وميلت ناحية ودنه بهدوء من غير م حد ياخد باله
"ع فكرة..انا كمان عايزة اتعرف عليك"
الكلمة دى عجبت حسن اوووى
خد سهرته المعتادة ..ولفته
بس المرة دى روح بدرى عن كل يوم..يعنى قبل م الصبح يشقشق
فضل فعربيته شوية
الاغانى بصوتها العالى ..وهو بصوته الجميل
بيغنى معاها
"انا بحبه وكل حاجة فيا ليه بتشتااااااق..سمونى كل الناس فحبه اميير العشاق"
هيمان خالص معاها لقى حد منظرة مش ولابد بيخبط ع شباك العربية
...ممكن تنزل؟
حسن: انا
...اه
حسن: مينفعش مشغل التكيف
...بقولك لو سمحت انزل يابو صوت كروان انت
حسن نزل من العربية
حسن: (ابتسامة ساخرة) عجبك صوتى!
...:ياسلااااام هو فيه احلى من كده
حسن: عارف اغنية ايه دى
....: لا
حسن: امير العشاق لسامو زين
....حلوة اوى..بس انا هسمعك الجزء التانى ، امير الانتقام
ضربة بمطوة فبطنة وجرى
حسن: ااااااااااااااااااه، انت مين ياعم انت
الحقونى يانااااااااااس
وقع جمب العربية
ƒc ƒcƒc ƒcƒc ƒcƒc ƒcƒ
ح٢
"كل ده ورد!! ليه حادثة اغتيال رئيس الوزراء"
حسن: مش عارف يامحمد بعد م اطلع من هنا هعمل تحليل
DNA
يمكن مطلعش اخوك فالاخر
عنان: حرام عليك يامحمد ، معلش يا دكتور بيهزر معاك
داخلة سلمى جرى هى وعريسها ..
سلمى: ياحبيبى يا حسن ، كده
كده يغزوك بمطوه يوم صباحيتى
حسن: اسمها يغزوك برضو ! تصدقى فعلا معندهمش حق يوم صباحيتك
كانو اجلوها لسبوع النونو كانت هتبقى الطف
احمد جوز سلمى: هههه لا متقولش كده قدر ولطف
بس هو مين الى عمل كده
حسن: والله انا لا عارف مين الى ضربنى ولا مين جابلى اسعاف وجابنى هنا
ولا الناس دى عرفت منين عشان تجيبلى ورد
محمد: واضح ان حبايبك كتير ..
حسن: وده مدح ولا ذم يا محمد بس عشان افهم
محمد: لا اقصد حبايبك كتير ناس توقعك فمصيبة وناس توجب ع حسهم
حسن: (باصص لاخوه بتركيز) والنبي حد ينده النيرس تفتح الشبابيك عشان اتخنقت
سلمى: الف سلامة عليك يا سونة ، بس بجد عايزين نعرف مين عمل فيك كده
حسن: ياستى مش عدت ع خير وربنا بعتلى الى ينجدنى
خلاص اشطات كده
انا لسه هقعد احقق واقلب كرومبو
النيرس دخلت ..
النيرس: استاذ حسن حضرتك كويس دلوقت ؟
حسن: اه الحمدلله
النيرس: اوك ..عشان بس حضرة الظابط عايز يثبت الى حصلك فمحضر
اتفضل يافندم
الظابط: السلام عليكم ....
الكل قام مشى من الاوضه عشان المحضر الى بيتعمل ،واستنو حسن برة
محمد: انا بجد مش قادر احدد شخصية الكائن ده
مضروب بمطوة من واحد ميعرفوش ولا عمره شافه ..وناس نقلته منعرفش مين
لولا ان حضرته اتكرم وكلم المستشفى تكلمنا كان زماننا ولا عارفين
سلمى: وهو الورد ده كله الى جوه ده من مين ؟ والناس دى عرفت امتى
عنان: البنت الى عنده فالعيادة كلمها لغى حجز جلسات كام يوم وعرفت
وتقريبآ هى الى بلغت الناس
سلمى: بس احنا مش لازم نسكت يا جماعة..ده واحد عايز يقتل اخونا
يعنى مش حادثة عادية
مين ده الى بيدبرله حاجة بشعه كده
محمد: يعنى انتى شايفاه مهتم ولا حاطط اى حاجة فدماغه من اساسه ؟؟!
من زمان وهو كده
يعمل الى يريحه وبس
يتنيل يضرب حشيش وكوك
ويشرب
وساعه تلاقيه شاغللى تباع ع عربيات
وساعه مطرب ففريق
وشوية دكتور وميضرش
وكل يوم له قصة وحال وموال
بذمتك حد يرسى لحد زى كده ع حال ازااااااااااااى
وهما بيتكلمو ..سمعو طقطقة شوز حريمى وبنوتة جاية من بعيد وماسكة بوكيه ورد
وجاية ناحيتهم بابتسامة ..
جيلان: هاى ..لو سمحتو دى الاوضة الى فيها دكتور حسن مش كده ؟
سلمى بتبصلها وجابتها من فوق لتحت
محمد: ايوة حضرتك..بس هو دلوقتى بيعملو ليه محضر باللى حصله
عنان: حضرتك مين ؟
جيلان: انا جيلان..معرفه
محمد: اه اهلا وسهلا
خرجو الظابط والعساكر من عنده ..
جيلان: طيب بعد اذنكم
سلمى: مين دى؟؟
عنان: هههه بصى ع استقبال اخوكى ليها وانتى تعرفى
عند حسن ........
حسن: (بيحاول يقوم من نومته) اه... اهلا وسهلا
هو ده بجد ولا انا بحلم
جيلان: الف سلامة ع قلبك..
الله:احلى الف سلامة اتقالت لى انهاردة
جيلان: (ابتسمت)مالك اتحسدت امبارح ببدلتك التحفه دى
هى من جوتشى صح؟
حسن: استنى بس سيبك من البدلة، هو انا فعلا شايفك هنا
جيلان: هو انا مش قولتلك انى انا كمان عايزة اتعرف عليك
انا لما بوعد ببقى اد كلامى
انا خدت الكارت بتاعك من باسم ..واتصلت بالعيادة وكنت هحجز ميعاد
وبعدين السكرتيرة بتاعتك قالتلى ع الى حصل ليك
حسن: انتى فعلا عايزة تجيلى العيادة؟!
انا كنت بهزر
او بصراحة كنت بحاول اتكلم معاكى وارغى اكتر
جسلان: لا بالعكس انا عايزة اجيلك فعلا، المهم انت تشد حيلك وتقوم كدهوتقدر تيجى
حسن: اعتبرينى هناك من دلوقتى
جيلان: ههههههه بس توعدنى انى اكون اول جلسة ليك بعد م تقوم بالسلامة
حسن: طب ايه رأيك م نعملها هنا
اقوم لك من عالسرير وتعالى انتى واعتبريه شيزلونج
وبعبعى
جسلان: ههههه لا انا شايفه....
دخلت سلمى مرة واحدة قطعت كلامهم
سلمى: انا بقول انك تعبان اوى يا حسن ومش حمل كلام كتير...(بصت ل جيلان) سورى يعنى اصله تعبان اوى
جيلان: (بكل ثقة ومأحرجهاش اسلوب سلمى ) لا انا كنت هقوم عشان اسيبه يرتاح شوية
عن اذنكم
هشوفك تانى يا حسن (قالتها برقه وصوت واطى)
حسن: (مسك ايدها وهى قايمة من غير م يقصد) روحى هتلاقينى هناك
جيلان بصت ع ايده الى ماسكه ايدها ..وهو سابها لما لاحظت
ومشيت بهدوء
سلمى استنت لحد م مشيت..واتفتحت ف س وج
سلمى: مين دى ومالها واخدة قلم فنفسها كده ليه وشوفتها فين
واصلا...
حسن: احمد ... والنبى خد مراتك دلوقت
المفروض التحقيق ده تعمليه مع جوزك
انا اخوكى
سلمى: كده يا حسن..طيب اشبع بيها
تلاقى ليها علاقة بالراجل الى غزك ده
حسن: تانى غزك !! ممكن تروحو كلكم مش عايز حد
بتتعبونى اكتر
سلمى :بس مش لازم نسكت ع الى حصلك ده يا حسن
احمد:ايوة فعلا ، انت قولت ايه فالمحضر
حسن:ولا حاجة انا ماذتش حد ولا عملت حاجه فحد ومش خايف من حاجه
محمد:انا مش عارف برود الاعصاب ده انت جايبه منين
حسن :يامحمد ياخويا الى ميمسكش فالدنيا تمسك فيه بايديها وسنانها وعمر الشقى بقى
محمد: ماشى يا حسن احنا ماشيين ...هبقى اعدى عليك بكرة
حسن: ده لو قعدت..انا مش بحب قاعدة المستشفيات
عنان: بس انت مجروح وجرحك لسه خياطتة جديدة مينفعش تتحرك عشان ميتفتحش
حسن: ممممم مانا عارف كل الكلام ده
يلا بقى هوونى ارجوكم
احمد: هههه ماشى يا دكتور والف سلامة عليك
مشيو وسابوه لوحده ... لسه بيغمض عيونه
فونه رن
اول مرة مش ادى اهتمام
تانى مرة بص بجنب عينه
تالت مرة داس الزارا الى بيخلى النيرس تجيله ودخلتله
حسن: بعد اذنك الموبايل بس
النيرس : اوك اتفضل
اى خدمة تانية
حسن: لا متشكر(بيبص فالفون)
ممممممم
م انتى عارفه انى مغزوز بمطوة ع رأى اختى يا سمر عاوزه ايه ؟؟
(رد عليها)
" ايوة ياسمر
سمر: ايوة يا دكتور حسن ...انا عارفة ان حضرتك تعبان وانا لاغيت كل الجلسات بس ف جلسه من الاسبوع الى فات
حضرتك اجلتها برضو للاسبوع ده
وهى مش قادرة تستنى
حسن: قولتلها انى مرمى فمستشفى بطنى مفتوحه ولا فاكرانى بصيف ف مارينا؟
سمر: قولتلها حضرتك مافيش فايدة مصممة تقابلك اعمل ايه؟
حسن: خلاص اوك اديها ميعاد ع بكرة ان شاء الله ..وانا هجيلها
سمر: ازاى يا دكتور! والجرح بتاعك
سمر: خلاص يا سمر خلاص اعملى زى م بقولك كده...
سمر: حاضر والف سلامة ع حضرتك يا دكتور مرة تانية
حسن: الله يسلمك ياستى
ƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒc
كفوف ايديها متوترة جدآ، كل ايد بتتخانق مع التانية من كتر التوتر الى هى فيه
رجلها بتتهز بصورة سريعه وموترة جدآ
وعيونها مصوبة ناحية ..سمر! سكرتيرة حسن فالعيادة!
ضحى: انا هستنى كتير؟؟
سمر: حضرتك قولتلك انه فالطريق، وبعدين معاد حضرتك لسه فاضل عليه ربع ساعه
ضحى: بس انا جاية بقالى وقت طويل
سمر: وانا ذنبى ايه، وبعدين الدكتور مكانش هينزل خالص الاسبوع ده بس نزل عشان حضرتك
ضحى: اوك اوك
سمر بتكتب فالليست وبتنظم المواعيد ومش معاها خالص...لكن ضحى عيونها مابين الساعه والباب
زى البندول
فون سمر رن..كسر حاجز الصمت..
سمر: الو
ايوة يا دكتور
موجودة اه
اوك
(قفلت)
ضحى: ده دكتور حسن
سمر: ايوة هو طالع دلوقتى..عن اذنك
دخلت سمر تظبط اوضة حسن قبل م يدخل ، وضحى عيونها بتلف فالمكان كله
وبتبص ع التابلوه الكبير الى مش مفهوم واخد عرض حيطة من حيطان الاستقبال
حسن دخل
ماسك شنطة صغيرة وبخطوته السريعه قال السلام عليكم
ودخل ع طول
طلعت سمر وقفلت الباب
ضحى: ايه هو انا مش هدخل ولا ايه؟
سمر: هتدخلى بس الدكتور يستريح من المشوار وهيقولى ادخلك
انتى متوترة ليه كده؟
ضحى: لا ابدا مافيش
جرس مكتب سمر رن!
سمر: اتفضلى
دخلت ضحى وهى موجهه عيونها ع حسن وهو قاعد ع مكتبه ..
ضحى: مساء الخير
حسن: (ماسك ريموت التكييف) حلوة درجة التكييف كده ولا اهديه شويه
ضحى: الى حضرتك تشوفه يا دكتور
حسن: اعتقد كده كويس(ساب الريموت)
لا الى تشوفيه انتى
اهم حاجة فالوقت الى هناخده مع بعض ده انك تكونى مرتاحه
ضحى ابتسمت برغم التوتر الى فعنيها
حسن: ليه الدموع الى فعينك دى...فيه حاجة دايقتك انهاردة؟
ضحى: لا..بس يمكن كنت خايفة حضرتك تأجل جلستى تانى
حسن: انا بلغت سسمر تقولك انى هجيلك مخصوص، برغم انى عامل عملية امبارح
ضحى: (اتخضت) يالهوى ! الف سلامة ع حضرتك
بجد مكنتش عارفه .لوكنت اعرف كنت صبرت بس السكرتيرة مقالتش غير انك مش نازل وخلاص
حسن: اللف يسلمك، لا طبعآ انتى اهم منى عارفه ليه ؟
ضحى: ليه
حسن: عشان اصعب الم فالدنيا ..الم النفس
الجرح والخياطة وكل الكلام ده يومين تلاتة وبيلم
لكن جرح النفس بيبقى عايز شهور وسنين عشان يلم..
ضحى بصتله بتركيز وساكته..
حسن: المفروض انك جاية تتكلمى انتى مش انا
والا ارجعلك بقى فلوس الجلسة وتكشفى عليا انتى
ضحى: هههههههههههه
حسن: ها! ايه اخبار يومك انهاردة
ضحى: عادى... يومى عادى امبارح
زى بكرة
زى انهاردة
مجرد اعادة
حسن: وليه بتقولى كده؟
ضحى: عشان ...مافيش اى حاجة جديدة بتحصل حواليا
وانا واقفه مكانى محلك سر
حسن:وايه الى مخلىكى مكانك كده
ضحى: المرض!
حسن: مرض...يعنى انتى عيانة مثلا من حاجة بتشتكى منها
ضحى: عيانة بحب واحد!
حسن:(سكت وقام من ع مكتبه) بتحبى تسمعى مين من المطربين
ضحى: محمد منير
حسن: اوك..تحبى احطلك انهى اغنيه
عشان ترتاحى خااالص وتتكلمى براحتك
ضحى: ممكن اغنية...برة الشبابيك(سرحت) اصله بيحب يغنيها
حسن: (بيقلب فال سى ديهات) حظك حلو موجودة عندى
بدأت برة الشبابيك..وضحى سرحت معاها، ورجع حسن لمكانه تانى
حسن: انا عايزك تحسى انك فأوضتك ..فشقتك
قدام مرايتك
بتكلمى نفسك
طلعى كل الى جواكى من غير خوف..من غير قلق
ضحى:انا عيانة بحب واحد ميعرفنيش...ولا عمره شافنى
عيانة لدرجة انى حاسة انى معمولى سحر فحبه
كل حتة فيا بتعشقه كأن مكتوب عليها تعويذة بأسمه
(عيونها دمعت)
حسن: عرفتيه ازاى؟
ضحى: عرفته فحفلة... كنت موجودة فيها
من اول مرة شوفته وانا هتجنن عشانه
وهو بيغنى مع فرقته
كنت حاسه انه بيغنى عشانى
عيونه ساعتها كانت مرايتها انا
من وسط كل الموجودين بيبصلى ..
حسن: وبعدين
ضحى: كنت عايزة اتكلم معاه اسمع صوته بس
صوته عادى غير وهو بيغنى
(بتمسح دموعها) معرفش ليه اول م شوفته قلبى وجعنى
وسألت نفسى
هو الحب الى من اول نظرة ده بحق وحقيقى
حسن بيسمعها وبيدون قدامه فنوت بوك
ضحى: ليه عندى 100 صورة عالفون ..وكل الكلام الى بيكتبه ع الاكونت بتاعه
فأى مكان من السوشيال ميديا
حفظاه
لدرجه انى اتعزلت فدنيا لوحدى
بعدت عن الناس وبقى عندى اكتئاب
وعشان اعرف انام
بقيت بتخيله
قاعد معايا وبيكلمنى وبيمسح بأيده دموعى وبيقولى اتطمنى
انا جنبك
حسن: ممممم ومحااولتيش ليه تتعرفى عليه وتعرفيه عليكى؟
ضحى: دنيته كبيرة وكتيرة ..انا هاجى ايه فيها؟
حسن: وانتى عارفة منين كل ده
ضحى: مش بقول لحضرتك انى بتابعه فكل ثانية من حياته
حسن:ضحى...انتى جاية هنا ليه؟
ضحى: عشان اطلع من المرض ده واعرف اعيش حياتى
حسن:يبقى لازم تعملى الى هقولك عليه..من اول م قعدتى
من اول كلمة قولتيها لاخر كلمة
بتتكلمى عنه
هو وبس
وناسية ضحى خالص
ضحى: عشان انا عايشة بيه، وعارفه انى مجنونة
حسن: لا
انتى مش مجنونة..انتى مخلصة لقصة حب وهميه
ضحى: وده عيب؟
حسن: العيب انك تحبى شخص موجود فخيالك بس
انتى الى رسمتى شخصيته وطريقة كلامه
بطريقتك
وزى م تحبى..اكتر من نفسك
اول تمرين انهاردة هتاخديه
تحبى نفسك يا ضحى
ضحى: احب نفسى؟؟
حسن: اه تحبى نفسك..لانها تستاهل انها تتحب (ابتسم)
اشوفك الجلسة الجاية..
ƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒc
مشيت ضحى واخدت معاد الجلسة التانية، ودخلت سمر ل حسن
سمر: حضرتك مافيش جلسات تانية..اتفضل عشان اقدر اقفل العيادة
حسن: لا روحى انتى ياسمر..انا هبات هنا
سمر: ازاى حضرتك هتبات هنا..حضرتك لازم تبات فبيتك
انت تعبان ومحتاج استريح
حسن: ياسمر..انا هبات هنا
اتفضلى انتى
سمر: اوك
حسن: خدى هنا...استنى اطلبلك تاكس الوقت اتأخر
سمر:شكرأ يا دكتور..خطيبى هيعدى ياخدنى
حسن: اوك سلميلى عليه..خدى الباب فايدك
واقفلى العيادة كويس
سمر: حاضر بس حضرتك هتتعب هنا
البيت افضلك
حسن: يلا ياسمر..يلا سحبتى كهربا كتير
ƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒcƒc ƒc
الليلة الى بات فيها حسن فالعيادة ..كان محتاجها
مكانش عاوز يروح الشقه وسلمى مش فيها زى م اتعود
فحب يدرج ع نفسه الامر الواقع
يدوب الصبح طلع، راح يفطر
وبعدها راح للكافيه
ورجع ع شقته..طالع عالسلم بيدندن
وبيطلع المفتاح من جيبه
نزلت البنوتة بتاعت فرح سلمى الى رقصت معاه من عالسلم من الدور الى فوق ..لابسه تى شيرت وبنطلون بيتى مرسوم عليهم مينى ماوس
"صباح الخير"
حسن: (بصلها وخد 10 ثوان مركز فيها من غير م يتكلم)
هو انا شبهت بس انتى مرضتيش تقولى وجو الفوازير ده انا بتخنق منه
وقررت اسميكى بينى وبين نفسى ذات الشعر الاحمر
البنت: ههه ذات الشعر الاحمر!
قولى عامل ايه جرحك دلوقتى
حسن: تمام، مش هتقولى بقى انتى مين لانك مش رايحه من بالى من يوم الفرح
البنت: كل ده ومش عارف تفتكرنى لوحدك..
حسن: بصراحة الشخص الى قدامك ده دماغه فيها مجلدات
دراسة ع شغل ع صياعه ع هبل ع معارف ع اصحاب ع بلاوى زرقه
صعب انفض مجلد مجلد من التراب الى فوقيه
واشوف الوش الجميل ده انا عرفته امتى ؟
البنت: ازاى تنسانى ... وانا مولودة ع ايديك!
ƒc ƒcƒc ƒcƒc ƒcƒc ƒcƒc ƒcƒc ƒc
ح٣
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
" بس بس بس ! تعالى هنا"
جيلان بتحضر ال دراى بتاع قطتها فطبقها وبتناديها,
الطبق قدامها عالسرير وجيلان ماسكة القطة فحضنها وبتلعب فدماغها بحنية وهى بتاكل..ودخلت مامتها اوضتها
مامت جيلان: مش هتنزلى شغلك انهاردة برضو
جيلان: مش حابة
مامت جيلان: اوك ع كيفك
جيلان: ماما معلش مش حابة حد يدخل انهاردة الاوضة طول مانا موجودة
ممكن؟
الام: ايه الكلام ده يا جيلان.يعنى ايه محدش يدحلك
جيلان: الله!! هو انى اخد حريتى بشئ بسيط من حقى
بقى مصيبة
الام:وهو حد خانق حريتك يا جيلان!
جيلان: ممكن ياماما من غير كلام كتير كده وبرضو محدش هيقتنع تسيبونى فحالى شوية
الى انا عاوزاه ده يحصل وخلاص
الام: اوك يا جيلان براحتك!(قفلت الباب وراها بقوة )
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
حسن مشى خطوتين ناحية السلم وهو مركز فيها ..
حسن: تصدقى انى بجد ليكى حق تزعلى منى!
ازاى انساكى
وانتى بنتى
البنت: بنت قلبك زى م كنت بتقولى
حسن طلع لها خطوتين فوق السلم وحضنها حضن اخوى وباس دماغها
حسن: وحشتينى ياتقى ..ماشاء الله كبرتى
بقيتى زى القمر
مش الطفلة نهائى الى مشيت من هنا وهو بتبصلى بعيون مدمعه ومكانتش عايزة تسيبنى
تقى: 14 سنة يا ابيه!
حسن: ابيه ايه بقى ! ده انتى الى ابيه
تقى: هههههههههه
حسن: يخرب عقلى فعلا ، اول مرة احس انى غبى
نازلة من فوق
وانتى شقتكم فوقينا
والجرح القديم الى فدماغك الى عملتهولك سلمى
جيتى امتى يا تقى ؟
تقى: جيت من كام يوم بس مش لاقيتك هنا ، وفوجئت بفرح سلمى
قولت ان حظى حلو فعلا
حسن: طب تعالى مينفعش نتكلم عالباب
تقى: بس انت لوحدك !
حسن: يابت ده انا اخوكى الكبير..انا اول من شالك ع ايده
تعالى تعالى
دخلت تقى وراه ..بس ساب الباب مفتوح
تقى: عارف كلمة انا اول من شالك ع ايده..من ساعة م سافرت
لحد م جيت
وعمرى م نسيتها
لما طنط الله يرحمها كانت بتحكيلى يوم ولادتى
لما انت وابيه محمد وسلمى كنتو مع طنط
وقالتلى اول حد شالك ع ايده بعدى كان حسن..وقعد يسقيكى اعشاب للاطفال لغاية م ماما تفوق
وترضعنى
حسن جاى من المطبخ ومع كوكا وحطها قدامهم
حسن: وانا الى سميتك
تقى: ايوة... زعلت اوى لما عرفت الى حصل ل طنط
وعمو
بالرغم من انها موته جميلة..الله يرحمهم
حسن: (سرح) الله يرحمهم
تقى: مقدرتش انزل العزا..بابا مكانش عايزنى انزل واسيب دراستى نهائى
حسن: (باصصلها بحنان) كبرتى يا تقى، لما مشيتى من هنا كان عندك 8 سنين تقريبا
تقى: ايوة ..وانت يا ابيه كنت قدى
دلوقت ههههههه
حسن: ياااااااااه..دلوقت بس لما شوفتك حسيت انى عجزت يابنتى
تقى: لا بالعكس انت عمرك م تعجز
شكلك دلوقتى
زى م سبتكم زمان بالظبط
ده بالعكس ، ابيه محمد هو الى شكله كبر
حسن: هههههه ياستى ربنا يخليكى
بس بقيتى زى القمر يابنت اللذين
تقى: (اتكسفت ورجعت خصله من شعرها ورا ودنها) بجد!
حسن: بس متتكسفيش اوى كده، حتى لو كنتى موزة كده
مش هنسى انى كت بغيرلك
وبرضعك بالببرونة
واول اسم قولتيه قبل مامتك..حثن!
تقى:ههههه انا كبرت اصلا لقتينى عندكم هنا
اكل وشرب ولعب..كنت فاكرة انك اخويا بقى لحد م اتعدلت الصورة
حسن: بس بقولك ايه ، اه صحيح بينا 14 سنة فرق سن
بس مش معناه كلمة ابيه دى تلزق فلسانك
انتى كبرتى وبقيتى شحطة اهو
وبعدين انتى بينك وبين سلمى 3 سنين بس وهى بتقول حسن عادى
تقى: بس انا اتعودت عليها
حسن: ده لما كنتى بضفاير وبتاكلى المصاصة الفراولة، دلوقت
انتى عروسه ماشاء الله
تقر اتكسفت تانى وبصت فالارض
حسن: بص الى بتتكسف تانى دى ..يابت بقولك كنت بغيرلك
تقى: (ضربته فكتفه) خلاص بقى
حسن: قوليلى جاية زيارة ولا ..
تقى: لا ده موضوع طويل.. محتاج قعدااااات
حسن: قعدات ! ده انتى بترسمى ع قعدات ونسهر والجو ده
انا مش فاضى
ده فرح اختى افتكرته بمعجزة!
تقى: اصل بص بقولك ايه .. انت لوحدك وانا لوحدى قاعدة فوق
ومش فاكرة ولا حد من صحابى ولا اى حد
هروح اقعد مع مين بعنى
يعنى انا اعتبرنى الوقت الضايع بتاع يومك
حسن: كده ع طول وش..مصلحة ومسكتى فيها كمان
طيب حاضر هشوف
دلوقتى اطلعى لانى هنام عشان اقدر اروح شغلى
تقى: اوك ماشى..سلام يا..
حسن: ها؟؟
تقى: حسن ابتسمت)
حسن: شطوووورة ..
تقى ضحكت ومشيت قفلت الباب وراها ..وحسن لف ودخل اوضته وهو بيكلم نفسه
" والعيال كبرت وانت عجزت يا منيل جاتك خيبة!"
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
" وشك احسن عن المرة الى فاتت "
ضحى ابتسمت ومردتش ع سمر ..
سمر: الدكتور ع وصول خلاص
ضحى: مافيش مشكلة
سمر: اص مش ملاحظة توترك بتاع المرة الى فاتت، حبيت اقولك قبل م تسألينى
ضحى: لا عادى ..مش متوترة خالص
دخل حسن ع اوضته ع طول ودقيقة ودخلت ضحى..وبدأت الجلسة.
حسن: اخبارك انهاردة
ضحى: (بابتسامة صغيرة) احسن
حسن: يارب دايمآ، اخبار التمرين ايه؟
مشينا عليه
ضحى: هو انا حاولت احب نفسى زى م انت قولت..لاقتنى بحبه هو اكتر
يا دكتور
حسن: انا مقولتش ليكى اكرهيه، انا قولتلك حبى نفسك زيادة
ضحى: حبيت نفسى، بقيت بعمل اى حاجة نفسى فيها
انا بحب الرسم اوى
بقيت برسم وارسم وارسم
لدرجة انى بقيت بقعد بالساعات ارسم ف اوضتى ..لا بحس بجوع ولا نوم
حسن: واخبار دنيتك المنعزله
ضحى: بقيت بطلع شوية مع اصحابى، او اعمل شوبينج مع اخواتى
بس برضو ببقى معاهم ومش معاهم
حسن: ازاى معاهم ومش معاهم ؟
ضحى: يعنى بخرج واضحك واشترى..لكن عقلى وبالى معاه هو
بقعد اقول ياترى هو دلوقتى بيعمل ايه
حسن:مممممم
ضحى: انا مش بتحسن صح؟
حسن: هو التحسن هييجى فيوم وليلة ومن جلسة واحدة ولا ايه؟
لا طبعا
والا كنا قفلناها بقى من جلسة واحدة ودورنا ندور ع شغل بعد الضهر
ضحى: هههههههههه، انا بحب كلامك اوى يا دكتور
حسن: ربنا يخليكى يا ضحى.. كملى قولى كل الى انتى عاوزاه
حتى لو مش متناسق مع بعضه
حتى لو مش ماشى مع بعض
قولى الى عايزة تقوليه
ضحى: (سرحت وبصت بعيد ع صورة حسن المتعلقه ع الحيط الى قدامها) بقيت بشوفه اكتر من الاول
كنت الاول بشوفه صدف ولما بعرف كمان هو فين
بشوفه من بعيد واتأمل حركاته وكل حاجة بيعملها
وانا فصمت رهيب بعيد عنه..مستعدة اقضى ايام وانا بالشكل ده ومش همل
دلوقتى بقيت بشوفه اكتر
وبقى بيوحشنى اكتر
حسن: وبرضو مش قادرة تقوليله انك بتحبيه ؟
ضحى: لا مش هقدر..مش هينفع
حسن: وقررتى ليه انه مش هينفع ؟
ضحى: عشان انا عارفه دنيته ..قولت لحضرتك كبيرة
وانا مش هاجى قشة فيها
حسن: ده من وجهه نظرك، لكن هو بقى ايه؟
قادر يكيف حياته ازاى
دى حاجة ترجعله
ضحى: اخاف اقوله يكون بيحب او مرتبط، واكسر قلبى اكتر ماهو مكسور
خلينى كده احسن!
انا كده فحياتى ودنيتى الى عملهاله بخيالى وفرحانه بيها
حسن: بس انتى كده هتتعبى زيادة يا ضحى، ومافيش اى تقدم
ضحى: يعنى اعمل ايه؟
حسن: انتهزى اى فرصة انك تقوليله حقيقة مشاعرك..فمرة من المرات الى بقيتى تشوفيه فيها كتير
ضحى: انا !! لا مينفعش (بدأ توترها وحركة ايدها)
حسن: ع فكرة يا ضحى..انا لاحظت انا وشك ونبرة كلامك بقت احسن عن جلستك الاولى
وده بس علشان بقيتى تشوفيه اكتر
لكن لو صرحتى بحبك ليه
هيكون افضل ..وممكن متحتاجيش تيجى هنا تانى
ضحى: تعرف يا دكتور الكلمة الصح الى قولتهل..انى فعلا لو قولت له
مش هاجى هنا تانى
حسن: طيب تمام ..انتى عارفة دواكى
ليه مصممة تفضلى عيانة بيه
ضحى: خلاص هحاول..بس خايفه من النتيجة
حسن: متفكريش فنتايج يا ضحى ..اعملى وسيبى النتيجة تيجى زى م تيجى
لان فالحالتين
هتكون احسن من الى انتى فيه دلوقت ده
ضحى: اوك يا دكتور..يارب اقدر
حسن: تمام...مش هكتبلك ع اى حاجة
لان علاجك فايدك
لما تتوترى اعملى الحاجة الى بتحبيها.. هتلاقى نفسك فريش
ومش محتاجة لاى حاجى فالدنيا
اشوفك الجلسة الجاية (ابتسم)
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"بحاول اكمل الناس...وانا الى فيا الحتة الناقصة!"
جيلان: (بترمى طوبة) بتعمل ايه ؟
حسن: ابدآ بغير الاستيت بتاعتى عالواتس..المهم كملى
جيلان: طبعا انت مستغرب ليه طلبت اقابلك برة العيادة وتكون جلستنا فمكان انت تختاره
حسن: لاعادى.. انا معاشر المجانين بقالى سنين
مبقتش تفرق
جيلان: (بصتله وشحكت وبصت للميه تانى)
حسن: متبصليش..انا اكبر مجنون فيهم
جيلان: عارف ياحسن..لما شوفتك فالفرح
حسيت انك جيتلى فسكتى من عند ربنا
حسيت انى لازم اتكلم مع الشخص ده
وخصوصآ لما عرفت انك دكتور الحكايات والرغى
حسن: حكايات ورغى! طيب ياستى الله يحفظك
جيلان: ايوة حكايات ورغى..ناس بتجيلك
تحكى وتقول الى عندها
وتديك الى فيه النصيب وتمشى
حسن: كمان الجلسة وحسابها بقى الى فيه النصيب! ده انا كده اتحولت من دكتور امراض نفسية
لبياع بيض بلدى
جيلان: هههههههههههههه
حسن: بتضحكى! اضحكى ياختى اضحكى
وبعدين
شلفططى فيا شلفطى عادى
جيلان: عارف ياحسن.. عايزة احكيلك حجات كتييييير جوايا
قرفانة وتعبانة منها ..بس لسانى متعلق
مش راضى ينطق
مش عارفه عايزة اسكت وبس
واحس انك جنبى
حسن: طيب واشمعنا انا؟
جيلان: لانى من اول م شوفتك حسيت انى عايزة اشوفك تانى وتالت وكتير
حاسة انى مش عايزة انطق غير بكلمة واحدة ...خليك جنبى
وبس
حسن: (حدف طوبة) وانا جنبك يا جيلان
وقت م تحبى تتكلمى انا موجود ومش بصفتى دكتور حكاوى زى م بتقولى
لا
صديق
جيلان: وصديق عزيز كمان يا حسن رغم معرفتنا الصغيرة
حسن: بس تعرفى برغم انك طول الوقت حابة ان ميبانش عليكى ان فيه حاجة جواكى تعباكى
انا قريتك من اول يوم
جيلان: ياسلام!
حسن: طبعا يابنتى شايفانى دكتور اى كلام ولا ايه (بيعدل ياقته)
لا بجد..انا حسيت كده
معرفش ليه
ولما عرضت تيجى عيادتى
مش دكتور وعايز يشد حالة ليه وخلاص
كنت عايز تحكيلى كأصحاب
جيلان: هههه تخيل ي اخى ان فعلا ساعات الانسان مش بيبقى مرتب حاجة تحصله نهائى
وربنا بيبقى مرتب ليه كل حاجة
حسن: طبعآ..
جيلان: اهو انا الفرح ده مكنتش هروح الفرح الى قابلتك فيه ده نهائى
بس ع اخر لحظة طقت فدماغى البس واروح
حسن: كنتى لابسه فستان موف لوحنى !
جيلان: ههههههههههه ..
حسن: بس حتى لو مكنتيش روحى الفرح..كنت هشوفك ف اى مكان
حتى لو هنا
وقاعدة بتحدفى طوب فالبحيرة زى الهبلة
جيلان: قولى ياحسن ..هو انت فحياتك واحدة؟!
حسن: انا فحياتى وحايد
جيلان: انا بتكلم جد
حسن: بصى عايز افهمك حاجة، انا مش بخلى فحياتى حد
عشان مسيرها هتمشى
جيلان: ياااه! ليه بقى نظرية الاحباط دى
حسن: عشان هو كده..الى بتيجى حياتى بتبقى هى الى عايزة تيجى
انا مش بدخل اى واحدة فحياتى
جيلان: وافهم ايه دلوقت مرتبط انت ولالا؟
حسن: حتهمك الاجابة ؟
جيلان: شور والا مكنتش سألت
حسن: اعتبرى كل بنات الارض عشيقاتى ..وماليش زوجات فيهم
لانى بحب ادوق كل انواع الفاكهه
لكن عمرى م وقفت عند فكهانى واشتريت
جيلان: هههههههههههه تصدق اغرب تعبير سمعته فحياتى
انت فعلا دكتور دكتور يعنى
حسن: مش بقولك
رن فون حين بمسج..فتحها
"بحاول اكمل الناس وانا الى فيا الحتة الناقصة..ياوجع روحى فعشق روحك♥"
ح(4)
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
رن فون حين بمسج..فتحها
"بحاول اكمل الناس وانا الى فيا الحتة الناقصة..ياوجع روحى فعشق روحك♥"
حسن ركز ف الفون شوية وابتسم نص ابتسامة وقفله وحطه جمبه..
جيلان: ايه فيه ايه؟
حسن: لا عادى جيالى مسج غريبة كده من رقم معرفوش،كاتبلى نفس الاستيت الى انا لسه كاتبها حالا عالواتس وكلمتين تانين
جيلان: كلمتين ايه ؟
حسن بص لجيلان رافع حاجب ومنزل التانى! مستغرب
جيلان: مالك؟ انا مش بتدخل فخصوصياتك
ده سؤال عادى
حسن: انا مهتمتش اصلا
جيلان: طيب اتصل بالرقم وشوف مين
حسن : مش عايز (رمى طوبه) يلا بينا انا زهقت
جيلان : اوك
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
"لا ياماما ..ارجوكى مش تتصلى بيه ، انا قولتله انى معاكى
يوووووه ياماما
مش كل واحد حر وبيعمل الى هو عايزه
سيبنى براحتى بقى
معلش يا ماما هقفل دلوقت..باى"
تقى قفلت مع مامتها وهى متدايقه اوى من مكالمتها المفجأة لما عرفت انها فمصر ..
طلعت وقفت فالبلكونة شوية
وهى حاسة بملل ر هيب ...الوقت مش بيعدى
بتتصل ب سلمى وفونها كتير جرس ومش بترد
قررت تغير وتنزل تروح لاى مكان رجليها توديها فيه..وهى نازلة
...
قابلت حسن طالع من شقته مستعجل.وبيتكلم فالفون
حسن: مممم..وايه كمان
سمر: حضرتك بعد المستشفى فيه جلسة للاستاذ عماد فالعيادة
حسن: ممممم تمام..فيه حاجة تانى
تقى: صباح الخير يا ابي... يا حسن!
حسن هز راسه لتقى ووقف عالسلم يكمل مكالمة سمر وفضلت تقى واقفه مكانها
حسن: طيب ماشى ..سلام عشان نازل
(قفل)
صباح الخير يا تكتوكة..عاملة ايه
تقى: هههههه لسه فاكر تكتوكة
حسن: ايه نازله
تقى: اه..هتمشى فالبلد شوية وحشتنى
من ساعة م جيت مخرجتش
حسن: طيب تعالى اوصلك للمكان الى عايزاه انا طالع عالمستشفى دلوقت
تقى: اه ربنا معاك
حسن: هتروحى لمامتك؟
تقى: (هزت راسها بالنفى)
حسن:(ركز فيها ثوانى وهز راسه) اوك يلا بينا
وهما فالطريق..
حسن: مفيش مُز رايحة تقابليه ومخبيه ع اخوكى
تقى: لو فيه هقولك
حسن: ادبحك
تقى: ههههههههه ..ليه
حسن: معندناش بنات تعرف مُزز قبل م نجيب الستاير
تقى: ههههههههه..طيب خلاص هقوله يشترى الستاير الاول
وبعدين امشى معاه
حسن: يعنى فيه يابت!
تقى: لاوربنا بهزر معاك..وبعدين بقالى فوق ال 13 سنة برة مصر
هعمل مُز فيها امتى
حسن: ممكن متفقين تهربو سوا ع هنا من هناك
تقى: ههههه يا ابيه ..خيالك واسع اوى
حسن: ابيه تانى! هتخلينى اقلب عليكى ليه عالصبح
تقى: طيب خلاص..يا حسن
حسن: مقولتيش اوديكى فين
تقى: هو انا ينفع اجى معاك المستشفى!
حسن: المستشفى! عايزة تيجى مصحة الامراض النفسية
تقى: فيها حاجة؟
حسن: لا بس جو مش هيعجبك يعنى ..شوية ناس لاسعين حاطينهم مع بعض وبنتعامل معاهم بشكل خاص
جو مش لذيذ وهتزهقى
انا رايح بالعافيه
عشان شغلى
تقى: لا مانا عايزة اتعرف ع حاجة جديدة..انا زهقانة اووى
حسن: ياتقى دى مصحة عيانين يا تقى..مش سيرك قومى
تقى: والنبى والنبى ربنا يخليك
حسن: طيب خلاص بس خلى بالك انتى الى قولتى
لو رجعتى من معايا دماغك ضاربة مش مشكلتى
تقى: لا متخافش ههههه
وهما واقفين فالاشارة ..طولت ولسه مفتحتش
حسن: اووووف (بيبص فالساعه) المفروض انهاردة الدكتورة فايزة الرخمة وتقولى اتأخرت يا حسن ومش عارف ايه
تقى: متقلقش قربت تفتح اهيه
حسن: تفتح فين العربيات فوق بعض زى صنية البطاطس..انا عارف ايه القرف ده
بلد بنت ستين .... ولا بلاش
تقى: ههههههههههههه
حسن بيبص جنبه لقى واحد بياع غزل بنات معدى وسط العربيات..
حسن: خد يا ريس..تعالى
البياع: ايوة يا باشا
حسن: هات 5 ابيض و5 بمبى
البياع : اتفضل ياباشا
حسن: كام.؟
البياع: الى تجيبه يا باشا ميهمكش
حسن طلع مبلغ وادهوله ..
حسن: يلا نهارك ابيض
البياع: نهارك زى الفل يا بيه
حسن: (اتدور) خدى
تقى: دول ليا ؟
حسن: اومال ليا؟ وعارفة لو كان فيه بتاع بطاطا كنت جبتلك
بس للاسف مافيش الصبح
تقى: انت لسه فاكر..يانهار ابيض!
اومال ازاى مفتكرتنيش
حسن: طبعآ فاكر يعنى هغنى انا الى ربيتك !
كنت وانا راجع من الجامعه توصينى والنبى يا حثن ..هات غزل نبات مش بنات
كنتى بتنطقيها غلط
وهات بطاطا
ومصاصة فراولة وعسليه بالسمسم
صح ؟!
تقى (بتاكل الغزل ومبتسمة) ههههه ياااه رجعتنى بذكريات جامدة وحشتنى
حسن: كنتى مقلبانى اول باول ..كانت طلباتك اكتر من سلمى اختى
(بيبص قدامه) الاشارة فتحت
يا مسهل..
وصل حسن للمستشفى ومعاه تقى
ودخل ع طول ع مكتب الدكتورة فايزة..
حسن: صباح الخير يا دكتورة
الدكتورة فايزة: صباح النور يا حسن..انا كنت ماشية ع فكرة
حسن: المرور واقف والله ووو
الدكتورة فايزة (بصت ع تقى) مين دى خطيبتك!
حسن: لا خطيبتى ايه..دى بنتى!
الدكتورة فايزة: نعم!
حسن: احم! جارتى بس انا الى مربيها
الدكتورة فايزة: محدش ابدآ بييجى يستلم شغله بعد الضهر يا دكتور
حسن: يعنى هما هيحمضو يا دكتورة ..ماهم قاعدين
الدكتورة فايزة: اختار الفاظك معايا يا دكتور
دخل عليهم دكتور شاب شكله مخضوض شوية ..
الدكتوروائل زميله: مش معقول دى واحدة متوحشه..لو سمحتى يا دكتورة تدينى اى حالة تانية غير حبيبة
الدكتورة فايزة: يعنى ايه اديلك حالة تانية يا دكتور؟! هو بالاختيار ولا ايه
احنا فمستشفى
حسن: هى حالتك هى الى كانت بتصرخ واحنا طالعين ؟
وائل: (بقرف) اه
حسن: خلاص انا هاخد حالته يا دكتورة فايزة
الدكتورة: بس انت متابع حالة غيرها يا دكتور
حسن: حالتى قربت تستقر وقريب هكتبلها ع خروج من هنا
وائل: (بغلاسه) ع فكرة..مش بتتكلم مع حد وطول الوقت تصرخ وتزعق وهتتعبك عالفاضى
حسن: (شاورله يوشوشه فودنه) مش ع حسن
زميله: ليه ان شاء الله؟
حسن: ياعم بص لنفسك وبصلى ..انا جنتل وانت دوغف!
وائل: دوغف !! م تحترم نفسك ياجدع انت
تقى كتمت الضحكة..
الدكتورة فايزة: يووووه ..مش معقول ابدآ دى مش طريقة نقاش دكاترة متعلمين مثقفين سوا
خلاص ادى يا وائل لحسن ملف حبيبة يدرسه
وانت روح امضى انت الى هتتابعها من دلوقت
ولما نشوف
حسن: اوك يا دكتورة..
حسن قايم وتقى وراه
الدكتورة فايزة: اظن جارتك دى ولا بنتك مش هينفع تيجى وراك
اتفضلى انتى فالكافيتريا بتاعت المصحة لغاية م الدكتور يخلص شغله
تقى: (بصتله)
حسن: قولتلك من الاول
تقى: طيب اوك هستناك
حسن دخل خلص الورق الجديد بتاع حبيبه ودرس حالتها كويس
ومضى باستلام حالتها مكان زميله
ودخل لها
حسن: صباح الخير
حبيبة: (بتسرح شعرها) ايه رئيك فشعرى
ايه ده انت مش وائل ؟
حسن: لا انا حسن.. وائل مسك حالة تانية
حبيبة: (بصتله جامد) انت كمان جاى تحاول تعرف انا فيا ايه صح؟
حسن: اه
حبيبة: فاكس
حسن: فاكس!
حبيبة: ايوة يعنى بلح..
حسن: بلح ممممم..طب انا مش عايز اعرف مالك
انا عايز اتكلم معاك
حبيبة: وانا مش حابة اتكلم مع اهلك
حسن: اهلى!! ده انت لسانك طويل اوى
حبيبة: انا لسانى طويل !! (رمت عليه المشط) انا لسانى طويل
(بتدور حواليها لاقت ازازة دوا حدفتها عليه)
حسن: يخربيتك (بيحاول يتدارى منها) انتى يا بت
حبيبة: وبت كمان ! (مسكت المرايه) امشى اطلع برة
حسن: يانهار اسود هييجى اجلك ع ايد مجنونة يا حسن
حبيبة: مجنونة امشى برة ..برررررررة
جرى حسن والمراية بتتحدف وراه ، ربنا ستر قفل الباب قبل م تيجى فدماغه
اتصدت فالباب
وقعت اتكسرت
حسن: (خرج يعدل هدومه كانت معدية بنت عاملة نظافه وضحكت) والله واتهزقت ع ايد المجانين
عدى وائل وهو واقف بيعدل نفسه
وائل: ايه الاخبار يا جنتل..عالجتها؟
حسن: انت كنت ماسك الحالة دى من امتى؟
ؤائل: بقالى 6 شهور ومافيش اى نتيجة
حسن: ولسه بعقلك؟
وائل: م تتلم بقى ياجدع انت
حسن: انا مقولتش غير كلمتين
كانت هتموتنى
وائل: (ضحكة سخرية) هههئ اشرب يا شيزوفرينيا!
حسن: (بيبص ع وائل وهو ماشى) ماشى يا وائل
فرحان فيا
طيييب! الصبر جميل
عدى ع تقى ..
حسن: يلا
تقى: عملت ايه مع البنت المجنونة ؟
حسن: عايز افهمك حاجة يا تقى..دى مش مجنونة
ومحدش هنا مجنون
دول مرضى نفسيين..فيه مشاكل تعباهم لما بتتحل
بيبقو احسن منى ومنك
وع فكرة بقى كلنا تعبانين نفسيآ ..لكن بدرجات
تقى: ممم اوك!
حسن: تحبى تروحى ولا تيجى معايا العيادة؟
تقى: (ابتسمت) لا اجى معاك طبعآ
حسن: مش هينفع يا تقى..هتبقى نفس قعدتك المملة هنا..ويمكن اكتر
لانى بطول فجلساتى
وهتقعدى وحدك
تقى: (اتدايقت)
حسن:انا عايزك تكبرى بقى..شبطانك فيا وانتى صغيرة فالجامعه
فالصلاة
وانا باكل
وحتى لما تنامى كنت لازم اغنيلك وانا شايلك عشان تنامى
ده كله راح
انتى دلوقتى بنوتة كبيرة..ليكى حياتك
ده انتى جاية من اخر الدنيا لوحدك
وهنا لازقه فيا
تقى: مش هعرف يا حسن.. والنبى عشان خاطرى
هاجى وكأنى مش موجودة
ماشى
حسن: يعنى برضو مصممة؟
تقى: اه (انكشته) يلا
واحكيلى فالطريق عملت ايه مع البت حالتك الجديدة
حسن خد تقى لمطعم يتغدوا الاول،وهما بياكلو اتكلمو فحجات كتير
اهمها مجية تقى لمصر..
تقى: كدبت عليه، قولت له ماما اتطلقت
وهترجع تعيش معايا فشقتنا القديمة
حسن: وكدبتى ليه؟ عايزة تنزلى
قوليله مبقتش احب عيشة هنا وهنزل
لكن تخترعى حكاية ع باباكى ياتقى
تقى: انا لازم كنت اكدب، مكانش هيوافق ابدآ انى اجى واقعد لوحدى
حسن: وانتى ليه مبقتيش مرتاحه زى الاول
هناك ده انتى بقالك عمر يابنتى
تقى: مش مهم مش بحب هناك وخلاص (اتوترت وهى بتاخد كاس المية ووقعت شوية ميه ع هدومها)
حسن ركز اوى مع تصرفاتها الجسدية وحركة عنيها..ومحبش يتقل عليها بالكلام
وهو بياكل رن فونه بمسج..
حسن: (ماسك فونه وبيفتح المسج لقى مكتوب
"المرة الى فاتت عدت ع خير وبمزاجى، المرة الجاية
وحياة امك م هتعدى"
حسن قراها ونفس رد فعله الامبالى ..ابتسم واستهزء بالرسالة وقفل فونه
تقى: فى حاجة؟
حسن: لاعادى ده واحد بيهددنى..كلى كلى
تقى: بيهددك! ازاى
حسن: ومالك اتخضيتى كده ليه..عادى متاخديش فبالك
تقى: صحيح جرحك خف..دلوقت
حسن: وانتى عرفتى منين بقى انى اتعورت وانتى اصلا مجتيش المستشفى
تقى: انا الى اتصلت بالاسعاف توديك المستشفى
حسن بصلها باستغراب رافع حواجبه !
تقى: اصل شوفتك من فوق ومكنتش عارفة اشوفك كويس
حسيت ان فى حد تعبان عالارض جمب عربية
اتصلت وبلغت
لكن بعدين عرفت ان انت
وكنت جايالك بس انت كنت طلعت
حسن: مافيش مشكلة حصل خير، يلا بقى خلصى اكل عشان متاخرش عالجلسة بتاعتى
تقى: اوك
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
فالعيادة...
كانت تقى بتتمشى تتفرج فكل ركن فيها..وقفت قدام نفس التابلوه الى استغربته ضحى قبل كده
وقاطعت تفكيرها
سمر بسؤالها..
سمر: تعرفى الدكتور من زمان؟
تقى (لفت لها) اه..هو الى مربينى
سمر: لا بجد!! ازاى ده
تقى: اه ولله..ميبانش عليه صح
سمر: لما دخلتى معاه افتكرت الدكتور خطب كنت هزغرد والله
تقى: لا خطيبته ايه..انا بنته
ده بالنسبة لى اخويا الى ماما مخلفتوش
وبابايا فالحنية
وصاحبى الى بينزل لسنى
رغم انى اتحرمت منه 13 سنة
سمر: يااااه..طب قولى
تقى: شكلى هاجى تانى هنا واحكيلك..انا حبيتك اوى
سمر: طيب بصى ايه رأيك، احنا نقرب المسافات
عندك اكونت عالفيس بوك؟
تقى اتوترت واتخضت وملامحها اتغيرت..
سمر: ايه سؤالى ضايقك؟
تقى: لالا مافيش حاجة..لا معنديش
سمر: طب اعملى واحد وتعالى نتعرف ع بعض ونتصاحب انتى شكلك كيوت اوى
تقى: اه اه حاضر..هو حسن بيتأخر دايمآ كده
سمر: ع حسب..متقلقيش كملى كلامك يكون خلص
تقى ابتسمت ل سمر الى عايزة تسمع حكايتها...وكان جوه عند حسن....
عماد: ماهو انا يا ابطل وابقى انسان كويس
يا افضل ماشى فالطريق الى انا فيه
لكن بين البينين ده تاعبنى
حسن: مش هتبطل يا عماد غير لو كنت عايز
عماد: بعوز وباخد القرار ..وبعدين رجلى بتتشد غصب عنى
حسن: عارف ياعماد، انا زمان عملت كل حاجة
شربت
وضربت كل الى تعرفه والى متسمعش عنه
وكنت اعمل كده عشان اثبت انا بقى الواد الى هو
وبعدين لاقيت انى مش بكسب حاجة
بخسر
بطلت
ولوحدى
واختارت يبقى علاقتى بالحجات دى خفافى
بمزاجى
الى عايز افهمهولك انك وقت م تاخد قرار..هتاخده صح
طالما محدش بيرغمك عليه
فهمت
عماد: فهمتك
حسن: اشوفك المرة الجاية احسن
خرج عماد وبيريح حسن بضهره عالكرسى جاتله تقى..
تقى: يلا بقى يا ابيه..انا زهقت
حسن: ابيه تانى ، انا مش قولت بلاش الكلمة دى
انتى مبتتعلميش
وبعدين يلا ايه اكونش مواعدك بالملاهى بعد م اخلص
تقى: هههههه لا موعدتنيش بس انا قاعدة بقالى كتير برة
وكده
سمر: والله كنت بحكى معاها ع بال م حضرتك تخلص
حسن: مممم طيب ياست سمر ف جلسات تانى انهاردة؟
سمر: لا حضرتك
حسن: اوك اقفلى وروحى
وانتى يلا نروح
تقى: وانت مروح ؟
حسن: لا انا مش مروح انا هروحك انتى
تقى: لا رجلى ع رجلك
حسن: لييه مراتى!
سمر: (بتقفل) بنتك ههه
حسن: انتى سيحتى لها..ع فكرة فرق السن مش كبير ياسمر
وحسك عينك تاخدى الحوار ده لبانة مع الى رايح والى جاى
اصل انا عارفك
سمر: لا متخافش سرك فبير يا دكتور
تقى: وهى دى حاجة تزعلك؟
حسن: طب بذمتك لما البنات تسمع انى مربيكى..يبقى انا عندى اد
ايه؟
بشكلك ده
ده انتى اد الباب
يلا بينا بقى عشان سمر عايزة تكمل لك وانا مش هديها فرصة
سمر: هههه سلام يا دكتور
فالعربية...
تقى: طب مش هاجى معاك ليييه؟
حسن: كفاياكى انهاردة كده روحى خدى دوش ونامى
تقى: وانت هتروح فين؟
حسن: يخرب عقلك ايه الاسئلة دى،حاسس انك مراتى والمصحف
تقى: ههههههه لا بس انا عايزة اعرف هتيجى امتى
حسن: ليه مستنيانى عالعشا يا ام العيال ؟
تقى: لا مش كده عشان اتونس انك جيت يعنى
حسن: مش عارف ياتقى ..وبطلى رغى مبحبش وجع الدماغ وانتى عارفه
وصلو ووصلها ومشى...طلع عالنايت الى متعود يسهر فيه
الجرسون: تحب حضرتك طلبك بتاع كل مرة ولا
حسن: لا هات عشا وبعدها هقولك تعمل ايه
الجرسون: اوك
العشا نزل وحسن بياكل وبيسمع البنت الى بيحب يسمعها وبييجى مخصوص عشانها
مرة واحدة اغنية البنت وقفت
وطلع صاحب المكان يهنى عروسين داخلين من الفرح عالنايت يسهروا
والناس قامت تشوفهم وتسقف ليهم وحسن قاعد ع تربيزته ومرة واحدة قام وقف!
وفضل متنح
دقيقتين
وطلب الجرسون ..
الجرسون: ايوة يافندم
حسن: قول لصاحب المكان ..انى عايز اعمل تحية خاصة للعروسين
برغم انى معرفهمش
الجرسون حاضر يا دكتور.. عايز تعمل ايه حضرتك
حسن: قوله الدكتور حسن هيغنى لهم
الجرسون حاضر يا دكتور عنيا
شوية وجه صاحب المكان ورحب بحسن جامد وطلب له مشروب ع حسابه الخاص..وانبسط انه هيغنى لانه بقاله فترة معملهاش
طلع حسن وغنى وقبل م يبدء..
حسن: مبروك للعروسين..بصراحة انا اتفائلت ان فسهرتى انهاردة اقابل عرايس جاية تسهر برضو
عايز اقدم تهنئة ع طريقتى الخاصة
اعتقد الناس هنا معظمه عارفنى من كتر تواجدى هنا
ارجو متكونش هدية تقيلة..
بدآ يغنى حسن..
والكل مستمتع بصوته الجميل حتى العرسان..وهو كان بيغنى بانبساط
اغنيته خلصت ونزل من ع البيست..ورجع قعد ع تربيزته ونادى الويتر
حسن: (بيكتب ورقة) الورقة اديها للعريس فالسكرته ..فاهم
ومتقولش مين اداهلك
(حط 100 جنية ف جيب الجرسون)
الجرسون : عنيا يا دكتور..بصراحة صوتك رائع
حسن: (بيلم حاجته) ياسيدى ربنا يخليك
الجرسون: حضرتك هتمشى ولا ايه .
حسن: ايوة ويلا روح اعمل انت الى قولتلك عليه..اوعى حد يعرف
الجرسون: متخافش
نازل حسن من المكان الى فيه تربيزته ومعدى والجرسون بيدى الورقة للعريس وبص بطرف عينه ومشى بهدوء ..وكأن تصوير بطئ العريس بيقرا الورقة
وقام ضرب عروسته بالقلم مع كلمة.." كنتى بتخدعينى! انتى طالق!
كل ده وحسن ماشى بهدوووء وبيعدل ياقته وبيضحك ضحكة انتصار!!
ح٥
"قولتيلو؟"
ضحى رجعت لتوترها العادى والى بيبان ف حركة ايديها..
ضحى: يعنى مش بالظبط
حسن: يعنى ايه مش بالظبط؟
ضحى: لمحت من بعيد
حسن: وازاى كان التلميح؟
ضحى: (ارتبكت) هو مفهمش ومهتمش اصلا يا دكتور بغض النظر عن ازاى كان التلميح
حسن: انتى غلط يا ضحى...مينفعش تلميح
مينفعش من بعيد لبعيد
ده واحد انتى موقفه كل حاجة حلوة فحياتك عليه
انتى بلسانك بتقولى حياته كبيرة وكتيرة..تلميحك هيضيع وسط يومه
قوليلو انا بحبك
انا
ب
ح
ب
ك!!
ضحى: (تنحت لشفايف حسن وهو بينطق بحبك وعيونها اتملت بالدموع) مش هقدر
حسن: ليه واحد وهتقوليله انا بحبك، هيقوم ضاربك مثلا!
هيبقى فيه اكيد رد فعل
هيفرحك هيزعلك
المهم هنقطع مشوار علاج مالوش لازمة يا ضحى
ضحى: يا دكتور علاجى حروف اسمه ..نظرة عنيه الجميلة الدافيه
ضحكته
مش عايزة منه حاجة غير انى افضل اشوفه
حسن: ويمكن لما تبوحى بمشاعرك ليه يبقى جنبك ومعاكى واحلى من الى انتى فيه دلوقتى ده
ضحى: حضؤتك بتقول يمكن!
يمكن اه ويمكن لا
حسن: ضحى انا آسف..متجيش الجلسة الجاية غير وانتى عاملة نقطة ايجابية
فعلاجك
(بيكتب فروشته بعصبيه)
الدوا ده هتاخدى حباية الصبح وبليل
ضحى: يعنى مجيش تانى غير لو قولتله ؟ طب مش هقدر
حسن: هتقدرى عشان تساعدى نفسك
الحب مش حاجة تخجلى منها ولا عيب
دى حاجة تخليكى توقفى قدام العالم كله فاردة دراعاتك وتقولى هاتى الى عندك
واحدة زيك عندها 27 سنة
لسه فبدايات عمرها
وعايزة تنطفى بالشكل ده
ضحى: طيب لو مقدرتش اقول وفضلت زى مانا؟
حسن: يبقى آسف ليكى..مكانك مش عندى
حبك ليه ياضحى زى مرض الرطان والعياذ بالله
ي تقاوميه وتوقفى قصاده
يا تستلمى لحد م تموتى
تختارى ايه ؟
ضحى: هقاوم واقوله ..
حسن: هتقولى ايه ؟؟عودى نفسك ع نطقها
طلعيها من قلبك لودنه
ضحى: انا..
انا..
انا بح..بحبك!
حسن: ساهلة اهيه (ابتسم)
ضحى: (ابتسمت) خايفة اقوله قلبى يوجعنى من رد الفعل
حسن: صدقينى هتتحسنى عن دلوقتى..اختارى الوقت المناسب واول م تشوفيه
خديه من وسط دنيته الى هو فيها دى
بكلمتك
انا بحبك ومتستنيش رد
كفايه انك قولتيها
ضحى: اوك
حسن: الدوا معادة ميفوتش...هتيجى المرة الجاية وعندك قصة جديدة
مع الحبيب المجهول
هسمعها واغير منك عشان هبقى هموت وابقى فقصة حب زيك
ضحى: ازاى يا دكتور! ده يا بختها الى انت مرتبط بيها دى
هتلاقى حل لكل مشاكلها
وهتبقى ع طول بتضحك ومبسوطة
حسن: انا مش مرتبط يا ضحى ...غير بشغلى بحبه وبيحبنى جدآ
وبس
ضحى ابتسمت وخرجت وكلها حيوية من اوضة الدكتور حسن...كانت داخله منهارة
جيلان!
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
تقى عند سلمى فالبيت ..بتقضى معاها يوم زى م عزمتها
سلمى: اه يا قردة يابختك،قضيتى يوم كامل معاه؟
تقى: بس جه فالاخر وغلس عليا..روحنى بقوله خدنى معاك
قالى لا
هو انتى مراتى
سلمى: انتى عارفه يا تقى..كده حسن مخلى ليكى معزة خاصه
استحالة حد يروح معاه شغله
وده مش بس شغله ده كمان المستشفى
تقى: طيب ماهو بعد كده مشانى ونزل...هيروح فين الساعه 12 بليل!
سلمى: اكيد النايت كلوب
تقى: ايه!!!!!! بتاع الرقصات والخمرا وكده زى الافلام
سلمى: هههههههه ايوة
تقى: ازاى حسن يروح الاماكن دى
سلمى: لا ده ضيف مستديم هناك
ف بنت بيحب يسمع صوتها بتغنى هناك
وفمرة فحفلة من حفلاته الى بيعملها مع اصحابه دى كل فين وفين
خدها وغنت معاه
تقى: (كشرت ومدت شفايفها لقدام) وبعدين ياختى
سلمى: وتقريبآ مصاحب رقاصة برضو ههههههههه
تقى: انا كرهته كرهته (بتضرب دبدوب قدامها)
سلمى: طب وانتى مالك بيه..هو ليه حياته وانتى ليكى حياتك
كل واحد وكيفه
انتى لسه مصدقه انه حسن الى كان بيشيلك ع كتفه وهو بيسوق العجلة
وبينيمك فحضنه فسريره
تقى: انا ولا يوم من الايام دى نسيته..كل حاجة عيشتها معاكم كانت من احلى ايام حياتى
اكلنا وشربنا ولعبنا سوا
لما بابا خدنى ومشينا...سألته يابابا هنرجع تانى
قالى اه
بس كان بيضحك عليا وعايز يبعدنى عن هنا
لما كبرت حاولت ادور عليكو فاى حته عشان ارجع اتكلم معاكم..ماما الى قالتلى ان طنط وعمو اتوفو فحادثة وهما بيحجو
لكن مكانتش عارفة ليكم تليفون
ولا اى حاجة
سلمى: انتى عارفه ان كل حاجة ليكى فالبيت عندنا زى م هى
كان ليكى طبق ومج بتوعك
وبيجامة نسيتيها هههه بتاعتك وانتى بنت 6 سنين
وكام حاجة كده
تقى: دول فأوضتك؟
سلمى: لا عند حسن فدولابه، عايزاهم
قوليلى
تقى: نعم
سلمى: هتمشى تانى ؟
تقى: لا..مش هرجع تانى (وشها اتغير)
سلمى: وباباكى يعرف انك قاعدة فالشقه وحدك
تقى: لا ميعرفش..هو مش فاضيلى اصلا
هو فاكر انى مع ماما
سلمى: ورضى تقعدى مع جوز مامتك ؟
تقى: لا ..دى حكاية انا الفتها عليه
هحكيهالك بعدين
المهم كملى
حسن بيعمل ايه تانى فالنايت ده
سلمى:ههههههههههههه
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
جيلان: (بتشعل سيجارة) شكرآ
حسن: طيب اهدى عشان مش فاهم منك اى حاجة
جيلان: هتجنن..عايزين منى ايه تانى
انا نفيت شبابى
والى باقى من عمرى
عشانهم
يسيبونى فحالى بقى
حسن: دلوقتى الى فهمته..اختك ماجى اخدت كل ميراثك
وغطت ديونكم
وخلاص عملت الى كانت عايزاه من جوازتك دى
مالها بقى ..مش عايزاكى تتجوزى تانى ليه ؟
جيلان: ماجى طول عمرها كده، لازم تخطط واحنا ننفذ
عشان انا اجمل منها
لما جت فرصة الجواز دى والراجل انا عجبته
اضطريت اتجوز لان خلاص كنا هنعلن افلاسنا
واحنا من عيلة كبيرة
هنبقى لبانة فبُق الناس
ضحيت واتجوزته..اكبر منى ب اكتر من 25 سنة مش مهم
المهم عنده فلوس
عنده ولد من مراته يا ماجى؟
تقولى مش مهم ده الجوكر الى هتئوشى بيه
فوجئت بكمية الشر الى هى فيها ..لما عرفت انها هى الى قتلت جوزى
عشان اورث
وانه مماتش بسكته زى م كل الناس عارفين
كان يوم عيد عندها لما ورثت مبلغ كبييير جدآ مكناش نحلم بيه
وحتى ورث ابنه
بقيت وصية عليه
حسن: ودلوقتى مش عايزة انك تتجوزى عشان ورث ابن جوزك ميروحش منك
وتتهنى هى بيه
جيلان: اهل الولد من ناحية جوزى عايزينه..وطبعا لو اتجوزت من حقهم جدآ
ياخدو الورث ويبقو هما اوصياء عليه
مش كفاية دفنتنى اول مرة بجوازة مش عايزاها وضحيت عشان اسم العيلة
وقتلت جوزى
كمان عايزيانى اقفل حياتى ع طفل مش ابنى ومتجوزش
عشان هى تعيش ومش مكفيها الى خدته!
سمر خبطت وجابت عصير ليمون ..
حسن: شكرآ ياسمر.. اشربى الليمون طيب يهديكى
جيلان: انا مش حهدى غير لو لاقيت حل
فرحت انى لاقيتك قولت هيحل كل مشاكلى الى بعانى منها بقالى اكتر من 7 شهور
حسيت انك الملاك الى ربنا باعته يصبرنى ع الى انا فيه
حسن: الشخص الى متقدم لك ده بتحبيه؟
جيلان: هو بيحبنى
حسن: سؤالى ليكى انتى
جيلان: انا عايزة اعيش حياتى ..اتجوز حد من سنى
ابدآ حياة جديدة
اتجوز واخلف ويبقى عندى اولاد
مخافش من حياتى من حاجة جديدة تحصل فيها
ولا مؤمرات ولا خطط
تمشى زى كل الناس
حسن: ياريتنى كنت من ديانتك كنت اتجوزتك وخلعنا من البلد دى وتضربي صرمة لاى حد يضايقك!
جيلان برغم دموعها الى خدها ضحكت ..
حسن: ايوة كده اضحى..حد بالجمال ده ويعيط
وبعدين اختك ماجى ربنا هيوقعا فشر اعمالها قريب
الجلسة دى استماع فقط
هنمشى عالدوا ده مع تمرين كل يوم تجرى الصبح نص ساعه
وتتمشى نص ساعه
وبعدهم تعملى اكتر حاجة تخليكى تنفصلى عن الدنيا
جيلان: اكتر حاجة بتخلينى انفصل عن الدنيا!! كل حاجة حوابا بتفكرنى باللى انا فيه
الا لما بروح اعترف فالكنيسة
او اقعد شوية فيها واصلى
حسن: تمام اشطة! يبقى هنمشى عالجدول ده
هنلعب رياضة كتير
مع الدوا..زائد زيارة الكنيسة
اشوفك الاسبوع الجاى
جيلان: اوك..انا حاسة انى بقيت اهدى عن م جيت
حسن: انتى لما كنتى داخله حسيت انك هتضربينى بالنار من عصبيتك
جيلان: معلش بقى مانا حكيتلك..كنت لسه متخانقه معاها ومعصبانى
حسن: بس دلوقتى انتى احسن
مش كده
جيلان: ميرسى ليك يا حسن انك فحياتى..حتى لو مش بصفتك الدكتور بتاعى
حسن: احنا اصحاب يا جىجى
جيلان ابتسمت وعملت بأيدها باى وخرجت...
دقيقة ودخلت سمر..
سمر: مافيش جلسات تانى حضرتك انهاردة؟
حسن: اوك ياسمر روحى انتى ..انا قاعد شوية
سمر: اوك يا دكتور ..سلام
حسن: اقفلى الباب وراكى يا سمر
قفلت سمر الباب..وحسن مدد ع الشيزلونج الى فأوضته
ومع نفسه دندن..
وطريقنا رايح جاى وعكسى ومكسى حرير والام
والناس بتجرى عشان احلامها ياعينى ورا الاوهام
وفوسط زيف الناس فى كتاب وحساب عمره ما يتزور
وهو بيدندن نزلت دمعه من عيونه ..مسحها بهدوء وهوبيبص للسقف
وكمل
بقيت ده يقطع فحتة منى
وده نآمله ويصحى قالب
وخلق منى متشلش عنى
وده بمخالب ودول تعالب
حتى الى طيب وزمانه هده..الشر شده حالف بشرفه
ليبقى غالب !
وسكت دقيقة وقام قعد وسرح شوية وهو مكشر وحط كانز العصير جنبه..
وقال لنفسه كلمتين
"وايه الى فكرك يا حسن بس...يلا تعيش وتاخد غيرها"
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
فالاوضه والنور هادى...مفيش غير الشمس وهى بتبدى تطلع
اشعه خفيفة منها بتدخل
كانت تقى قاعدة ع سريرها ، جايبة ع فيديوهات حسن
عاليوتيوب
وهو بيغنى مع فرقته
زى م سلمى عرفتها تجيبهم ازاى ...
مبتسمه وبتحاول تهدى ع صوته عشان تروح فالنوم ، ونسيت اللاب مفتوح
ونامت وبدآ حلم غريب
................................
كان فالوقت ده حسن خلصت سهرته مع بنت من بنات النايت
ونازل ..
فتاة الليل: هشوفك تانى؟
حسن: معرفش..ع حسب
فتاة الليل: لا اوعدنى اشوفك تانى
حسن: اوعدك الوقت الى انا فيه ابقى منهار كده
ومخنوق
وبعيد عن ربنا ومش بقرب ناحية سجادة الصلاة
هتشوفينى
فتاة الليل: قصدك ان احنا الشياطين بقى الى بتبعدك عن ربنا
حسن: انتى قولتليلى اسمك ايه؟
فتاة الليل: لولا
حسن: بصى يا لولا..انا شخصية ملهاش ملامح
بعمل كل حاجة وعكسها
بكره نفسى..وبحب حياتى
بصلى لربنا وانا بغضبه فكل خطوة
وكل دقيقة
فأحسنلك متزوديش معايا
لان مش هتوصلى لنتيجه غير ان دماغك هتلف
فتاة الليل: (عوجت بُقها وبصت للمبلغ الى سابه )
وفطريقه حسن بيكلم نفسه برضو..
حسن: (بيسوق العربية) بتعمل كده ليه ، و لا مبسوط ولا حاجة
وبترجع تقابل ربنا ازاى فصلاتك
انت متخلف ياض!
اهى حاجة زودتك قرف وخلاص
ولا انبسطت ولا بطيخ
داهية فمنظرك... الهى تتقلب بالعربية دلوقتى وانتى ماشى خلى البشرية ترتاح منك يا مفكوك يابن المفكوكة
ولا عارف انا عايز ايه..ولا انا مين
انا مش عارفنى
(بدأ يغنى)
انا مش عارفنى ...انا تهت منى
انا مش انا
لا دى ملامحى ولا الشكل شكلى ولا ده انا
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
ركن عربيته وطالع ، كان خلاص النهار طلع
وهو عالسلم سمع صرخه جامدة!!!
طلع جرى عالسلم فخطوتين
وعرف انه جاى من شقه تقى، لانك مافيش حد ساكن قدامها
رن الجرس مرة و2
وفالتالتة
خبط الباب اكتر من مرة بعنف
وفتح
جرى عليها...
لاقاها بتعيط وحضنه مخدتها زى الطفل
حسن: كنتى بتحلمى !
تقى بتعيط وماسكة فيه
حسن: كابوس يعنى ؟
تقى: (بتهز راسها اه)
حسن: (خدها فحضنه) طب خلاص اهدى... اهدى
انا معاكى اهو انتى مش لوحدك
تقى: (فحضنه وبتعيط) وقعت فشوك
حد وقعنى فشوك
وكنت بمد ايدى ليك
بس انت كنت بعيد
حسن: طيب خلاص متتكلميش تانى...اهدى خالص
حسن قام جابلها مية وشربت
حسن: نامى..وانا مش هسيبك
تقى: هتقعد يعنى لحد م نام؟
حسن: ايوة
تقى: (فرحت) ربنا يخيلك يا حسن
حسن: يلا بقى .. استريحى (بينيمها) وانا هريح عالفوتيه ده قدامك ومش هسيبك
هاتى بوسه يلا
تقى: باسته فخده..) انا بحبك اوى
حسن: وانتى اغلى بنوتة عندى انا مخلفتهاش..يابنت قلبى
يلا نامى
نامت تقى بهدوء وبراحة ولاول مرة من ساعة م جت تنام عادى ومن غير صعوبة وخوف
وحسن فضل قدامها لحد م راحت فالنوم...وريح عالفوتيه ونام هو كمان.
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦
ساعات..
وقام ع فون سمر تفكره بالمستشفى...قام وخد حاجته بهدوء
وباس تقى فدماغها.
وفتح الباب وطلع بالراحه وقفله وراه.
نزل اخد دوش وغير وطلع عالمستشفى، طالع ببهجة واحد غير بتاع امبارح
وبيغنى طول الطريقوكأنه ر ايح معاد لحبيبته
مش المستشفى الى بيكره مشوارها، وصل وسلم عالكل..ودخل للحالة بتاعته الى مابعها من الاول...لقاها استقرت اذن بالخروج ليها
ودلوقتى معاد ..حبيبة !
دخل عليها وهو متوجس منها..
حسن: معاكى امشاط ولا مرايات ولا اى حاجة المرة دى
حبيبة: (مبتسمة) حسن!
اتفضل
شوفت ازاى انا فاكراك من المرة الى فاتت
حسن: ايه الوداعه دى؟طب تمام بداية مبشرة بالتفاؤل
حبيبة: عامل ايه؟
حسن: انتى الى عاملة ايه ياستى وسيبك منى انا
حبيبة: انا حلوة..وع طول حلوة
حتى انت برضو هتتهوس بجمالى زيهم كلهم
حسن: مين كلهم ؟
حبيبة: (بعصبيه) وانت مالك!!
المهم
ايه رأيك فيا انهاردة؟
حسن: قمر ماشاء الله
حبيبة: انت متجوز يا حسن؟
حسن: لا
حبيبة: طب ايه رأيك لو نتجوز؟
حسن: نتجوز مين (رفع حواجبه) اه انا وانتى
اوك بس خليها غير انهاردة
عشان انا مش فاضى عندى التزامات
حبيبة: يعنى موافق!! طيب يلا نشرب عصير الخطوبة بقى
قامت جابت علبتين عصير مقفولين وخدت واحدة وادتله واحدة
حبيبة: يلا اشرب..عصير قراية الفاتحه
حسن: بس احنا مقريناش حاجة
حبيبة: وماله نقرا!
حسن: طب خليها بعد العصير
حبيبة: اوك
ابتدوا يشربو الاتنين وحسن بيراقب ردود افعالها..
حبيبة: انت عارف..تلاجتى دى مش بتفضى
طبعآ
بفلوسى
ايه رأيك فالعصير
حسن: جميل..مش هنتكلم بقى
حبيبة: هنتكلم انت مستعجل ليه
حسن: العصير ده منتهى الصلاحية ولا ايه ؟
حبيبة: لا مش منتهى الصلاحية ولا حاجة
ده انا حاطه فيه سم
حسن: (بطل يشرب ) ايه؟
حبيبة: ايوة، انا سهيت الممرضة واخدت شريطين برشام المهدئ الى بتديهولى من جيبها
وهى واقفه
وطحنته كله
وخلطته بمية
وحقنته بسرنجه برضو سرقتها منها
فالعصير
حسن باصصلها وهو مبرئ!!!
حبيبة: شوفت انا حبيتك ع طول ازاى اختارت
(ابتدت تدوخ)
انا
و
ا..انت
(ابتدت تغمض عنيها)
نتخطب وبعدها نتجوز فالجنة ..
حسن داخ وهى بتتكلم وراسه لفت،
وهو بيقول بلسان تقيل
" الله يحرقك يا بعيدة!"حد يل
يلحقنا
وهوبا!!
وقع عالسرير قصادها.....!
دينا سعيد عاصم
د. آيات محمد حسين القاضي
آية عطية عبد الفتاح الغمري
ياسمين أحمد محمد فتحي رحمي
د. عبد الوهاب المتولي بدر
سهر محمد رمضان صيام
د. نهله فتحي بيومي حموده
صفاء فوزي عبد العزيز النزهي
محمد حماده رزق السيد الشافعي
كيندا فائز الهبو
د. نهله عبد الحكم احمد عبد الباقي 
زينب حمدي 
ياسر محمود سلمي 
د. محمد عبد الوهاب المتولي بدر 
د. نهى فؤاد محمد رشاد 
د. شيماء أحمد عمارة 
م. اشرف عبد الصبور الكرم 
حنان صلاح الدين محمد أبو العنين