ولقد مننا عليك مرة أخرى..

 فى محاولة للإجابة عن تساؤل "مش ملاحظ اننا بنشوف مرضى سرطان البنكرياس صغار السن كتير؟" و هو من يتم تعريفهم بالمرضى تحت سن الخمسين...هل الوضع في مصر مختلف عن المعدل العالمي ؟

النهارده بحث جديد لنا بيتنشر فى محاولة للإجابة عن جزء من السؤال...وفى وسط المشكلة العالمية المتمثلة فى زيادة معدلات السرطان وعلى رأسها سرطانات الجهاز الهضمي فى سن الشباب و تحت الخمسين... الظاهرة الغير مفهوم أسبابها و إن كانت ملحوظه ومحل دراسة...بنحاول نوصف مرضى سرطان البنكرياس فى أحد أكبر مراكز الأورام فى مصر وهو مستشفى شفا الأورمان بالصعيد...و الأرقام تأتى أعلى من النسبة المرصودة على مستوى العالم...و متوافقة مع أبحاث سابقة تم نشرها في التسعينات... 

ايه التفسير ؟ هل مرضى سرطان البنكرياس صغار السن المرض فيهم بيكون أعنف أو أقل استجابة للعلاج؟ كلها أسئلة حاولنا نبحث عن إجابات أوليه لها...

شكرا لفريق البحث...أحد المراجعين علق على مدى دقة الداتا و اكتمالها... مجهود ودقة وضمير..

 و لسه قدامنا كتير أسئلة محتاجه تتجاوب ...نتمنى نقدر نحقق تقدم فى مدى توافر الداتا عن المرضى المصريين..

وشكرا جدا لد.هانى حسين مدير مستشفى شفا الأورمان..دعم حضرتك الغير محدود للبحث والنشر و توفير بيئة مناسبة و داعمة هو فضل لحضرتك علينا جميعا....