مع صعوبة (وكسوف) الاعتراف بإننا عايشين وبنضحك رغم ما يحدث في غزة...

مسلسل كامل العدد سواء الجزء الاول او الثانى لطيف اوى وجميل ومبهج يا جماعه...الحياة هناك لطيفه وسلسه...الناس بتتطلق وتحافظ على نضافه علاقتها ببعض ..و العيال بتدخل العيله يبقوا عيال الكل والجدود يبقوا جدود الكل والأمهات امهات كل العيال والأبهات برده ابهات كل العيال و الحياة ماشيه والناس مبسوطه و شايلين بعض وخايفين على استقرار وبيوت بعض....

والرسالة اللى بيوصلها المسلسل هى ما تتنيلوا تحبوا بعض يا جماعه و زقوا العيشه سوا من غير كلاكيع عشان هما كام يوم وكلنا حنمشى ...فاتنيلوا حبوا بعض و سهلوا العيشه على بعض وخلاص....

بجد جميل جدا..