باتفرج على فيلم "دموع صاحبه الجلاله" ....و بطل الفيلم الصحفى "محفوظ عجب" أخد احاديث مجموعة من الرؤساء والملوك فى إحدى المحافل الدولية ونسبها لنفسه أنها سبق صحفى و أحاديث اختصها به الملوك والرؤساء...

معرفش ليه جه فى دماغى المرحوم "هيكل" ..هو مع احترامي الشديد يعنى..الحل الوحيد عشان يحضر كل المواقف اللى بيحكيها كشاهد عيان دى أنه كان مستنسخ و كمان اللهم احفظنا اللهم احفظنا مخاوى....عنده قدره يتواجد فى كل الأماكن و الأوقات بالتوازى...

و الحل الوحيد عشان كل رؤساء وملوك وأمراء العالم يفضفضوله هو بالذات بأسرارهم الشخصية ويتخذوه كأنتيم وأول ما يشوفوه يقولوا "هيكل جه عشان نفضفض بقى..تعرف يا هيكل يا اخويا" هو أنه كان بينيم الرؤساء مغناطيسي زى مدام زوزو الحكيم فى الفيلم القديم بتاع "شد اللحاف..شد اللحاف انت..نااام...نااام انت"..

محدش عنده فكره موسى صبري كان بيلقح على هيكل ولا ايه ؟