أول مرة اسمع عن تيك توكر اسمه شريف نصار وأنه اتوفى بسبب سكتة قلبية والناس بتفترض إن ده عشان حملة تنمر رهيبة عليه. جالي فضوا وقلبت في شوية فيديوهات ليه ومش فاهمة حقيقي ليه الناس كانت بتتنمر؟ الراجل كان مجرد بيقدم وجهة نظره وفلسفته الشخصية لمواضيع مختلفة. نتفق أو نختلف مع فلسفته، نعتبرها بسيطة أو ساذجة لكن مش سبب كافي للتنمر. الراجل مطلعش يقول شوفوا سلفتي وحماتي عملوا ايه معايا وأنا اللي طبخلهم طاجن سمك. هو الناس مالها؟ ليه التفاهة والفراغ اللي وصلنالها عشان نفضي نفسنا للتنمر على الآخرين؟ ياريت ننتقد بشكل معقول ومحترم من غير ما نجرح في حد. الحساب مش سهل منقطعش تذاكر للدخول للنار ونفرط في الغير ونفسنا بسهولة كده.