#القمر في اخر اطواره قبل الولادة الجديدة وده بيخليه لا يصلح لاي بدايات جديدة يعني الحاجات المهمة زي المشاريع ..النقل لبيت جديد..توقيع اي عقد ..حفلات الجواز بيفضل تكون مع بداية #الشهر_الهجري 

#القمر في #الحمل في شوية تهور انفعال هتحسوا الناس كلها بتجري تنجز اللي وراها طاقة شوية مختلفة بعد جو الكسل الايام اللي فاتت عيبه الصداااااااع 

القمر في #الحمل مقترون بكايرون "الدكتور النفسي بتاع الكواكب" وده هيخلي كتير عندهم رغبة يبكوا عادي ياجماعة "عيطوا وصرخوا" ده كويس جدا لتشافيكم النفسي والروحي بس علشان خاطر ربنا عيطوا مع نفسكم مش ع التايم لاين...الاقتران ده هيقلب مشاعر طفولتكم كلها وهتفتكروا كلام مدرسينكم وعلاقتكم باهلكم واي حاجة جرحتك وانت صغير هتظهر وده زي ماقلت علشان تتشافوا منها مش علشان تنكدوا ع نفسكم بيديلكم فرصة تطلعوا المشاعر المكبوتة المدفونة جواكم فمتنزعجوش من المشاعر دي

 

#عطارد لسه مقترن بزحل اسوأ زاوية فلكية ماثرة علينا بئالها اسبوعين مسببة حوادث كتير ..اعاقة في التواصل...مشاكل كتير في النت واي سسيتم عموما وتاخيرات في كل حاجة..وناس كتير بتشتكي من الام في الحلق وزيادة الحساسية ومع وجود القمر في الحمل خلي بالكم وانتوا سايقيين احذروا السرعة الزايدة

#الشمس مقترنة باورانوس زاوية فلكية حلوة جدا ممكن اي مفاجاة تحصل..يجيلك فلوس من اهلك او من شغلك بشكل غير متوقع..تكتشف حقيقة مخفية..تلاقي حاجة ضايعة منك..ناس ممكن تتشهر بدون اي مجهود منها..وبرضه ممكن يظهر حقايق او كلام ع نوع معين من الغذاء 

#الزهرة مقترنة بالمشتري و #نبتون وتسديس مع #بلوتو و #عطارد في زوايا سعيدة ده هيخفف من حدة الزوايا الصعبة يوم منجز ياجماعة استغلوه ..اعترافات عاطفية ..ممكن تسمعوا كلام حلو من شخص مش متوقعينه ..ينفع تصالحوا حد متخاصمين معاه 

يوم يصلح لصبغ الشعر ولا يصلح للقص 

غير مناسب لاي اجراء جراحي في الاسنان 

واقسم بالله دي طاقة عامة ملهاش علاقة ببرجك 

#نشرة_اخبار_الكواكب