بتقلب في الوشوش خايف

🔻: بقلم: رانيا ثروت فرج المصيلحي; ◀️: مدونة رانيا ثروت; وثق بتاريخ: 24-07-2022; الزيارات: 191

لابس دروع والقلب لين

لا لسان يلوشك بالهوايف

مايكونش طيب ولا حنين

تتوه تدور في الشوارع

على المعاني للكلام

تغيب تغيب وتعود يا غالي

بلا كلام ولا سلام

ولا جبر خاطر

كل مرايات الفرح

مكسورة ليه ؟

والأوض ماليها الفضا

والدنيا مالها وناسها مالهم

في القسوة بقوا قوة قضى

كان نفسي أفرح وسطكم

لكن القساوة في الطبع كيف

لا حد فاهم ولا حد حاسس

وأنا في الحياة دي

بس ضيف

نفسه يروح للسلام

من غير كلام ولا خوف بقى

من غير عتاب ولا ملام

بإيمانه وشوية تقى

رانيا ثروت

إشعار حقوق النشر