يا عم يا صيدلي 

مالقاشي عندك دوا

ام العيون دوبلي

برموشها قلبي انكوى

قلتلها لو تقبلي

اخدك و نسكن سوا

لكن ما قبلتشي

و قلبي داب ما ارتوى

اسف يا عم الحج

حالتك فعلا عجيبة

لسة معملوش drug

يداوا بيه الحبيبة

الحب دة لو وج

ف قلب تبقى مصيبة

الحب دة infection

و علاجها بيبقى صعب

متنفعوش injection

و لا ينفعوش الطب

و ملوش كمان protection

ع القلب فجأة يطب

يعني خلاص راح اموت

طب شوفلي حل يا بيه

قتلتني بنت بنوت

و ف قلبي اعمل ايه

بيدق من غير صوت

و صورتها بس فيه

يا عمنا الافندي

معادش عندي مرار

دواك دة مش عندي

روح اسال العطار

يديك بخور هندي

او حتى اعمل زار

شاغلي ليه بالي 

و عاملي هوليلة

وقفت لي حالي

سودتلي الليلة

يا عم انا مالي 

بلا حب بلا نيلة