ليه مهم يكون عندك يونيفورم مناسب لشخصيتك 

من القرارات اللى بتاخد وقت و مجهود و تفكير كتير بالنسبالى و بشكل يومى هى "هألبس ايه النهاردة" و بتسبب ارهاق اتخاذ القرار و بتأخر عملية انى أجهز ع الأقل من ١٠ دقايق ل ٢٠ دقيقة بأكون فيهم ارهقت جداً فى عملية التحضير لنزولة ما أو حتى لمرواح الشغل ! اللى هى العادى اللى بنعمله كل يوم 

و مع اتباع المنيماليزم بدأ يتكون عندى فكرة اليونيفورم و اللى ساعدت فى حجات كتير غير سرعة اتخاذ القرار فى اللبس ! 

بقى كل اللبس مريح مفيش حاجة مش مريحة ! لأنك بالفعل مختار قطع انت بتحبها و لبستها و ارتحت فيها غير انك تفضل تجرب و يكون فى احتمال انك ترتاح أو لأ ! و بعد ما تنزل تحس انه لأ و ان كان فى أحسن من كده ممكن يتلبس !! 

نظرياً اللبس هو مجرد لبس لكن عملياً انت لو لابس حاجة مش مرتاح فيها او مش عجبك نفسك جواها ده بيأثر على الموود بتاعك جداً .... 

و ده يودينا لنقطة تانية مهمة و هو انك لما بتعرف انت بتحب تلبس ايه بتبطل تصرف فلوسك فى قطع مش مناسبة ليك ولا لجسمك ولا لشخصيتك و بتعرف تستثمر فى الستايل الخاص بتاعك. 

كتير هيفهم انى بأقول نلبس نفس اللبس بشكل يومى و ده مش اللى اقصده الا انك تقدر تعمل كده زى ستيف جوبز مثلاً اللى بيلبس هيكول أسود عليه بنطلون چينس أزرق و معاه كوتشى أبيض و غيره ناس ليهم طقم مميز و بس 

لكن هنا انا بأتكلم عن ال 

Capsule wardrobe

و اللى بتتكون من عدد قطع معينة بتعمل ما بينها تباديل و توافيق توصل بيها لعدد مناسب حداً من الأطقم فى دولاب بيعبر عنك بكل تفاصيله معتمد على الجوده أكثر من الكم.

 #قرار 

#لبس

#ayatheminimalist