فيه قارئة بدون ذكر اسماء جت تقولي في حاجه غلط في الروايه 

اتصدمت معقول ده انا مراجعة الروايه عشرات المرات غير مراجعة الدار ازاي بس؟! 

قالتلي ازاي البطله الفلانيه قالت حجات كده معينه مش هقولها بقى علشان محرقش الروايه 

المهم البطله قالت كلام لبطله تانيه في الفصل السابع بس الكلام اللي قالته انتي كتبتي حجات تانيه خالص حصلت في الفصول الاولى كده يبقى غلطي 

اجابتي كانت بمنتهى البساطه البطلة كذابه 

ليه بحس أن القارئ مش بيستوعب أن الابطال ممكن تكذب عادي بطبعي بعمل ابطال واقعيه بيكذبوا ويخونوا وليهم ذنوب، ابطال شبه البشر مش مثالين مثاليه مفرطه مش موجوده على أرض الواقع، يعني الكاتب يغلط وكتب حدثين كل واحد عكس التاني بس الاعتراف بكذب الابطال لا 

انتوا ايه رايكم بتحبوا الابطال الواقعيه ولا المثاليه احسن