ليه بيحصل حب بيننا و بين ناس متجوزين و مرتبطين بناس تانيين ؟ 

 - الحب رزق ببساطة 

بييجي في أي وقت و لناس معينة 

الرزق مبيسألش بصوت عالي انت جاهز عشان أجيلك وللا لأ ! 

لكن انت لما بتكون جاهز لاستقبال الرزق ده … بيجيلك 

= طب بييجي ليه بطريقة يخلي العلاقات صعبة كده ؟

 - عشان يربيك و يعلمك حاجة عن نفسك و يا تحافظ عليه يا ترفصه 

= بس انا بالفعل متجوز ! ازاي هحافظ عليه و انا متجوز و مين فيهم اللي مفروض يكون رزق على كده 

- انت كبرت حبيبي و ليك رخصة تقدر تستخدمها و انسان حر لك اختيار 

يعني تقدر ترفص الرزق عادي 

مهو مش كل الناس بتعرف تحافظ عليه أكيد ! 

و مش كل النعم اللي عدت عليك في حياتك قدرتها ! 

ولا مطلوب تعمل حاجة تحس بيها انك بتتنازل ! 

الرزق بنآخده و نبوس ايدينا وش و ضهر 

او نرفضه و نكمل في طريقنا عادي 

الحد اللي انت اتجوزته جواز تقليدي بيعملك خدمات في البيت و مسهل عليك حالك و ده رزق بردو زيه زي الحب ! 

فمش ضروري حب خالص ! 

ناس كتير عاشت و ماتت لا حبت ولا اتحبت عادي 

مش لازم تبقى رومانسي و أوڤر كده ! 

كل عيش