أقلام شابة غير متطورة

الفترة اللي فاتت بدأت قراءة كذا كتاب لأقلام شابة

أفكار حلوة جدا 

ثم تضييع للأفكار الحلوة جدا

في ناس اللغة مشكلة كبيرة

ناس عندها قدرة عظيمة على تخطيط موضوع لكن مافيش إحياء للتخطيط ده برسم شخصية ومشهد، احنا واقفين عند إخبارية ان حصل كذا

ناس تزهقك بالتشبيهات كأنهم هياخدوا النمرة الفارقة في التنسيق على عدد التشبيهات، ومش فاهمين ان التشبيه المستهلك اللي لا يضيف بيتسمى حشو وابتذال وبيضعف مش بيجمل النص

ناس مش بتقفل القصة، وناس بيتهيأ لهم الرواية شوية قصص جنب بعض، والاتنين مش مفرقين بين فن الرواية وفن القصة اهو كله حكي

ناس مصرين يشرحوا ويعيدوا على طريقة تحفيظ الإجابات في الدروس الخصوصية

خسارة جدا أفكاركم الجميلة تضيع علشان الاكتفاء بما عندك

طور أدواتك.. اعرف لغة وابتكر تشبيه.. افهم يعني ايه قصة وليه القصة حاجة والرواية حاجة.. اتعلم تحذف.. اتعلم تسيب حرية خيال وحرية تأويل للقارئ

وحاجات كتير لو عملتوها أفكاركم هتبرق

والحقيقة ماكملتش ولا نص منهم.. زعلت واتمنيت لكم الأحسن من كده