اليوم السابع وغيرها منزلين خبر عن طبيب ((أسنان)) 

تاني طبيب أسنان.. 

خدع سيدة ان عندها مشكلة في ((المبايض))

تاني في المبايض

وكشف عليها كشف نسا

مش هاقول ان مابيحصلش ان طبيب الأسنان تبقى أخلاقه وحشة

بس هل المتعلمين بتوع المدارس في الجريدة شافوا ان بجد ممكن ست تخلي دكتور أسنان يكشف عليها كشف نسا؟ ضرس العقل معلق في الرحم مثلا ومش راضي يطلع جنب اخواته؟

طيب اهي طلعت مشبوهة هي وجوزها مسجل خطر وبالتالي الاتهام طالع من سفح الجهل.. انتم يا لامؤاخذة صحفيين مستواكم في نفس السفح؟

ملحوظة: ياريت اللي يشير صورة الخبر مع نبأ البراءة يشطب على الصورة، لأن كتير ممكن مايقروش ويشوفوا الصورة فقط ويبقوا رغم حسن النية بيزودوا الإساءة والتشهير بالطبيب