من أجمل ما قرأت في كل ما قرأت 

من أجمل ما قرأت في كل ما قرأت 

قصة قصيرة لإرنست همنجواي في مجموعة رجال بلا نساء الصادرة عن دار الهالة المعرض اللي فات

الترجمة الحلوة حلوة مافيش كلام وبتضيف كتير وخصوصا لما المترجم بيراعي انها لايقة على الكاتب، ودي موهبة شبه موهبة المحرر، تقمص قلم الكاتب

 بس خلينا في القصة نفسها اللي من برة تبدو بسيطة

عاشقان البنت حملت والشاب عايزها تجهض وجلسة في المحطة في انتظار القطار

البنت بتعلق على التلال بتشبيه لطيف والشاب مش في دماغه غير ان ماتخافيش دي عملية بسيطة مجرد نفخ شوية هوا (طبيعة العملية زمان وقت كتابة المجموعة)

الكلام يروح وييجي والبنت تسأله يعني لو عملتها هتشوف تشبيهي للتلال ظريف وتسمعني بترحيب؟ 

الشاب يقول لها أيوة ويزقها على القرار ويرجع يقول لها بس ده لو انتي اللي عايزة

هذا النص موجع بامتياز، سياسي بامتياز لمن يقرأ بين السطور

هذا النص أحلى من العجوز والبحر بكتير قوي هو وكل المجموعة

فصباح الجمال

ويكفيكم شر قهر الحبيب (*****)