لزيادة التأكيد يا جماعة

من أراد سماع رأيه هو مش رأيي، ما يسألنيش عن رأيي

من أراد اللطف بما كتب، ما يسألنيش عن رأيي

واللي الكلام في عيوب أكتر من مميزات بيقفله من الكتابة، ما يسألنيش عن رأيي

في ناس كتير لطفاء يمكنهم رفع معنوياتكم

هكذا أنا، لا ميزة ولا عيب، مجرد أنا، وطبيعي جدا أن ده يناسب ناس ويزعل ناس

بالأمس أقدر أقول إني طرحت روايتين أرضا.. وحظي الجميل جدا جدا أن الاتنين اللي كاتبين طلعوا من أصحاب الشخصيات اللي عايزة تشوف العيوب.. والاتنين سؤالهم كان ليه كل اللي شافوا ما قالوش اللي بتقوليه.. بل والاتنين استزادا في طلب العيوب ما سألونيش سؤال واحد عن ايه المميزات طيب

وأنا أشكرهما جدا، حسسوني ان لسه في مجتهدين متفتحين وطموحين ولديهم مرونة التعلم

ده وضع مناسب لي ولهما، وبإمكاننا تحقيق نتائج ممتازة معا

اللي ده مش مناسب له يبقى يسأل حد مناسب، ده أدعى لارتقائه وتحقيق الأفضل

أمور حياتية طبيعية أو كما يقال شعبيا كيميا، فلنعتبرها كيميا أدبية، ومافيش داعي المعمل يفرقع، مش هنعمل طاقية الإخفا