في مسلسل روعة تابعته مؤخرا اسمه 

الصفـــــــــــــارة

فكرته بتدور حول قناعة الانسان ان في لحظة اختيار معينة في حياته بتشكل حياته كل السنين اللي بعدها

بطل المسسلسل العبقري أحمد امين كان بيستخدم الصفارة للعودة للحظة الاختيار الفارق اللي وصله للي هو فيه

كل مرة بيجع بيختار خيار مختلف عن اللي قبله 

لغاية ما عاش حيوات كتير وكلها كانت مش مرضية لي 

واقتنع في النهاية بحياته الحالية رجع وكمل فيها 

دي كانت فكرة المسلسل 

بس الكاتب مخدش باله ان القناعة دي سببها انه اتيحت له الفرصة لتغيير مصيره 

ومكملش حياته وهو مجبر على ابتلاع مرارته وخيبته .

 كل انسان بيبقى في شئ معين عاوز يوصله بصورة اكبر من باقي رغباته . 

الحياة اللي بيتاح له فيها الوصول للشئ ده بيقدر يتعايش معاها مهما كانت المنغصات ..... المشكلة انه لما بيفقد الشئ ده مهما اغدقت الحياة عليه بنعم واشياء تانية مش بيقدر يتعايش مع وضعه لدرجة انه ممكن يخسر بقية النعم لانه موصلش لهدفه الاهم عنده .