الراجل بيتعافى بالصمت . والست بتتعافى بالكلام ...... معلومة قريتها مرة بس مش فاكرة مين اللي صاحب الرأي

طب لو حصل خلاف واصر طرف منهم على التعافي بطريقته دون اي اعتبار للآخر .... ده بيأثر على علاقتهم ازاي ؟
العلاقة بتتأثر بالسلب طبعا

الراجل بيلتزم الصمت وده رد فعل منفرد هو قادر على الالتزام بيه لوحده .... فالست مش بتقدر تغيره
طيب والست
الست فتتكلم في البداية لما بتبقى العلاقة قابلة للاصلاح .
كل مرة بتتكلم فيها الست ومش بتاخد جواب مشاعرها تصدقه وعقلها يتقبله بتتراكم جواها التساؤلات والضغينة
الست في الحالة دي بترد على تساؤلاتها ابشع رد ممكن يدور في بال حد لغاية ما توصل لمرحلة القتاعة التامة ان الكلام لا فائدة منه فبتلتزم الصمت وبتمتنع عن العتاب او محاولة الفهم والحصول على اجوبة لأسئلتها.
دي بداية انهيار المشاعر الحلوة بين الطرفين .

بالمناسبة مرحلة الصمت المنافي لطبيعة المرأة دي الراجل بيبقى مرتاح فيها جدا وعقله مش بيستوعب هو خسر ايه .