في جوايا ذكريات لمواقف وحشة قوي مريت بيها واتخطيتها 

مرة بخناق وغضب تلاه هدوء مميت .

مرة بابتسامة رقيقة دارت ع الكسرة اللي حسيت بيها وعورتني قوي من جوا .

ومرة بعتاب بارد تلته قطيعة كاملة بلا ذرة احساس بحزن او ندم

لما بفتكر المواقف دي دلوقتي بستغرب قوي من قدرتي على التجاوز والاستمرار بعدها.

المواقف دي سايبة علامات جوايا ... ندوب في روحي

زمان لما كنت بفتكر المواقف دي كانت بتصعب على نفسي 

بس دلوقتي بقيت بخاف من نفسي قوي قوي.

ايه السبب ؟ ما اعرفش