السلام عليكم ورحمه الله


الوصفة دى ...انا جربتها
بجد نتيجتها مبهرة

وببلاش :)
اشترى عبوة جلسرين ( بيور ) من الصيدليه وليس العطار تقريبا ب4 جنيه
وماء ورد ب 3 جنيه
نصف ملعقة نشا


فى طبق صغير ضعى نصف ملعقة النشا مع نقطتين جلسرين ونقطتين ماء ورد
ليصبحوا عجينة سلسة كما بالصورة




ملحوظة زجاجة الجلسرين الكبيرة كنت عصرة معها 2 ليمونة
واستعملها عادى لترطيب اليدين وكعب القدمين
يوميا بدلا من الكريم .. وايضا بيعطى نتيجة رائعة

ووضعت منها على الخلطة وبها الليمون


ضعى هذا الماسك على وجهك ساعتين أو ثلاثة
وقبل شطف وجهك
ضعى اناء به ماء يغلى على النار .. وعند تمام الغليان
أغمضى عينيك وضعى وجهك فى البخار الناتج من الغليان
ثوانى
اخرجى وجهك .. وبقطنة أو قماشه طرية مبللة بماء دافئ امسحى على بشرتك بطريقة دائرية

وقررى كذا مرة
بعد ماتطلعى وجهك من البخار ستجدى بشرتك ساقعة ومنتعشة ( كأن خدودك فيها هولز ):)
دليل على فتح المسام

واغسلى وجهك بماء فاتر

ملحوظة مهمة : بصى ياست البنات
ماتخليش حد يضحك عليكى ويقولك عندى وصفة رهيبة لتفتيح البشرة .....والخداع دة
كل واحدة ربنا خالقها بلون بشرة .. ومش ممكن ابدا واحدة خمرية أو سمراء اى كريم فى الدنيا يفتح لها بشرتها
الا بعمليات الليزر
ولكن النتيجة الأكيدة أن الوصفات الطبيعية
بترطب البشرة .. وتلاقيها نضرة
موردة ..:)
أنا معاكى ان كريمات تفتيح البشرة بتضعيها وتجدى لونك افتح شوية .. بس دة للحظات
بعد كدة تانى يوم تلاقى بشرتك لونها زى ماهو

جربى بس الوصفة دى وادعيلى