تارت عائلى بكريمة المانجو .. بتكلفة 20 جنيهات

من الحلويات السريعه المثلجة .. العائليه ذات الحجم الكبير .. ومحببة للكبير والصغير ...هذا التارت

سريع وسهل ولايحتاج وقت أو جهد

ممكن ينقذك لو عدد الضيوف كبير .. أو مع أولادك ( ممكن يقعد معاكى كام يوم ):) فهو موفر .. وكلما تماسك كلما كان احلى

وايضا ممكن للرجال صنعه .. فهو بسيط
(وضعت نسخة منه فى سنة أولى مطبخ :))

وهكتب المقادير بالتكلفة الفعلية ( بالضبط )

المقادير

3 باكو بسكويت ( أفضل أولكر ) موجود كتير ........ 3 جنيه

2 حبة مانجو ( بما يعادل نصف كيلو ) ........ ب2 جنيه ونصف

وفى مانجو للعصر الكيلو بأربعه جنيه 

تُمن أو 125 جرام من بودرة الويب كريم ( الكريم شانيته ) موجودة عند محال بيع الحلويات بوفرة ... 4 جنيه

كوب زبادى ........... 1 جنيه

ملحوظة أنا لاأتحرج ابدا وأنا اشترى 125 جرام من اى بودر انا فى حاجه اليه .. اشترى احتياجاتى فقط وفقط.. مافيش كسوف فى هذه المشتروات.. لأنك لازم تشتريها اول بأول .. لاداعى لركنة الباقى فى التلاجة




نُفرم البسكويت كويس فى المطحنة .. ونكون مجهزين صينية من اللى بتتفتح



نقلبه شوية على النار .. مع قطعة زبدة .. او سمن



نبططه :) كويس بإيدينا ليتماسك .. ونضعه فى الفرن عشر دقائق فقط
البسكوته لما بتتحمص شوية بتبقة طعمها أجمل



نضرب الكريم شانتيه بقليل من اللبن أو الماء المثلج وفى بداية الضرب ( نرمى عينا كدة على جنب فى اليمين ):) نضع كوب الزبادى

نكون مجهزين المانجو (مضروب مسبقا بسكر ناعم فى الخلاط ) ناعم وتقيل بدون إضافة ماء اليه ... نظرة شمال



نضرب الويب كريم كله وبالتدريج عصير المانجو
انظروا الكمية تضاعفت ووصلت لآخر المضرب


تُصب على البسكوت (البسكوت بارد )



رهيبة:)








تدخل الفريزر لتتجمد تماما




 .. تم التهامها فى دقائق :)