مين اللي قال الحب ده جنه

الحب نار حلوه فيها بنستنى

الحب دموع وسهد مع حيره

      وسهر وشويه م الغيره

الحب مش مجرد قلب دق لحد

   الحب له حسبه وتسعيره

وفا ودفا وصدق م اللي بجد

    وصبر ع البعد والغيره

سند لحظة ظروف فيها الحياه تتهد

  مين اللي قادر وقتها يعلن

 ويقول أنا وقت المحن سداد

         الحب مش كلمه

         الحب ده أفعال

          مد الإيدين بالود

        راح تلقى مشاعرها

           وخداك لدنيتها

          وأجمل كلام يتقال

         بدون حروف وجدال

           حلوه الحياه حلوه

لما تنول بالحب والصدق راحة البال