سجان ع الباب والباب مفتوح
ومشاعر قلبي عريانه
بردانه ف حضن الزنزانه
وحاضنها الخوف
سجان ع الباب وعيونه رصاص
وإيديه جافين حاضنه قساوته
مانعين عصفور القلب يطير
أااه
من سجن الحريه
وملامح بتعذب فيا
وإيدين قاسين
أااه
من قلب وعايش في مكانه حزين
قلب مفتت
قلب مشتت
قلب وساكت
ودموعه في حضن العين باتت
ياسنين حِني
ماصعبشي عليكي سنين عمري
طب أمته أدوق الحريه
ومشاعر قلبي تتكفن بالحنيه
ماصعبشي عليكي
القلب المجروح في مكانه
دي سنين بيعشها ومتألم من سجانه
حِني وليني وافتحي بابك
مشتاقه أحس الحريه
باب خوفك سوط علم فيا
خُوفك سجان قاسي عليا
خُوفك مامنعش الحب يموت
الحب أهو مات
والقلب اتكفن بالأحزان
سجان ماأقدرش بجبروته
عصفُورهُ ف حضن العش يبات