اسوأ شيء ان يكون في دايرتك حد متلاعب نفسيا بطبعه!

تلاقيه متعمد يختفى فجاه ويظهر فجاه....يعمل دراما معينه في اغلب المواقف ....او يوعدك بمقابلة ولا اتفاق.... ويخليك مستني مستني مستني ...وهو مستمتع طبعا علشان شاغلك بيه ....... بيحاول يخليك تحت سيطرته بشكل ما .... يخليك تسال نفسك مليون سؤال...الخ ...الخ 

وانت ياعيني متعود تتعامل بطبيعتك ...... زي اي انسان طبيعي...متواجد بترد....مشغول بتعتذر....بتحترم مواعيدك....مش بتحسبها حسابات سخيفة.....واللي ادامك ...عامل افلام هابطه مالهاش معنى لهدف ما في دماغه او لامراض نفسيه جواه....او لطبعه السيء! 

والموضوع باين اوي ان مش قصة مشغول...او عنده ظروف ما....او شيء من هذا القبيل 

لا...انت هتلاقي نفسك حاسس ان فيه حاجة غلط.... حاجه مش منطقية....افلام سخيفة ومتكررة وشاغل نفسك بالاتفاقات والوعود لانك متعود على الوضوح...

الاشخاص المتلاعبين نفسيا باللي حواليهم ...ناس مرضى قولا واحدا...وده الطف وصف....لكن فيه منهم ناس مؤذيه وقاصده ده....قاصده تسيطر عليك وتخليك مشغول بيهم انشغال وهمي ....

وانا ما اقصدش العلاقات العاطفية....لا ده على كل انواع العلاقات

ابعد عن المتلاعبين نفسيا بكل راحة ضمير حتى لو كانوا اقرب الناس ليك....الناس ديه هتعطلك وهتتعبك ومش هيجي من وراهم خير 

ابعد عنهم وانت الكسبان وماتحاولش تعاملهم بنفس معاملتهم....لانك مش هاتعرف :) 

ده مش طبعك.....فابعد عن المتعبين علشان ماتتعبش روحك :)