فيه ناس بيكون عندهم الحاله ديه لبعض الوقت وبيكونوا مدركين لده وبيحاولوا و بيجتهدوا علشان يوصلوا للحاله المريحه ليهم وهي السلام النفسي...وبيوصلوله فعلا مع الوقت!

 

لكن على العكس فيه ناس تانيه مشحونه طول الوقت ومش مدركه هي بتعمل ايه في نفسها....ده بالعكس هي بترتاح في حالة الشحن ديه....بتلاقي لذه خاصه وهي غضبانه ومشحونه وبتبث سموم للي حواليها 

غضب وعدم رضا واعتراض وشكوى وتذمر من كل حاجه وعلى اي حاجه....  وتحس انهم في خناقة طول الوقت لو مش مع حد يبقى مع نفسهم...

 الاسوأ انهم ممكن يحسوا انهم كده هم مختلفين او يمكن فاكرين نفسهم من المصلحين وهم مفسدين لنفسهم ولغيرهم  

الصنف التاني ده يا جماعه سام جدا والقرب منه ساحب للطاقة بشكل رهيب....البعد عنه غنيمه....هو نفسه مش مدرك هو بيضر نفسه اد ايه ....مش مدرك ان حالته ديه  هتنزله لتحت اكتر واكتر !

لو مدرك للي فيه...هيقدر يخرج نفسه من الدايره السامه ديه....لكن في الغالب مش هيكون مدرك!

 

السلام النفسي ده رزق كبير....ولكن محتاج اجتهاد وبصيره :)