يرقص القمر على لحني........
بين الارض والسماء
شجرة نبق مروية بعرق ودموع
لا دى شجرة توت جنب بيوت تضلل يوم حر الصيف
تشبع بيت وطفل جرئ شقى وغاوى
ياشجرة ف بيتى مروية بدم القلب ياغنية
فى عز البرد بيتى دفيتى بغصنك المقطوع
فى فصل خريف ورق ساقط
جمعته بايدى خبيته فى فرن خبيز
فى فصل ربيع نبت ورقك وطرح ثمرك
طعمتى الكل من خيرك ياشجرة خير
ياشجرة توت جنب بيوت لعبنا يوم تحتيها
كنا عيال كبار وصغار نلعب نجرى حواليها
فى يوم نشفتى اتقطعتى نار فى البرد قادت فيكى
كان النار فى ضلوعى انا القايدة
نار ذكرى يوم فرحت لعبت تحتيها
ويوم مطره اتزحلقت راسى اتخبطت فيها
ههههه يااااااااااااااااااااه كان اليوم ده كان امبارح
ياشجرة حب مروية بفرحة طفلة شقية
لليوم لسه فكراكى وريحتك ماليه وجدانى
ياشجرة توت جنب بيوت تضلل يوم من المطره