من الحاجات اللي احيانا _مش دايما_ بحسها وحشة قوي في نفسي ان

 لما حد بحبه وبقدره وبعزه بيعمل حاجة تئذيني بعاتبه بقوله كل اللي زعلني واستنى الرد بالإجابة على كل اسئلتي اللي بتكون بدايتها كلها .. ليه ...؟!

لو الرد كان بالصمت او مكنش على المستوى اللي انا متوقعاه من الصراحة ببتدي اكسر كل اللي بيني وبينه بالتدريج وببطء ( تقارب ، ذكريات ، اهتمامات مشتركة..... الخ ) لانه ما احترمش صراحتي ووجعي

وفي نفس الوقت بقيم أفعاله اللي بيحاول يعوضني بيها عن وجعي .

 لو الأفعال دي ما ارتقتش هى كمان لمستوى توقعاتي زي الإجابات اللي انتظرتها لما عاتبت .... و لو كامل الضرر اللي حسيته ووقع على بكل صوره ما تمش ازاحته ايا كانت التبعات ..ولو التباعد مني ما اتحسش او تم تجاهله للهروب من تحمل التبعات بيبقى فصم العلاقة او تسطيحها ضرورة بالنسبة لي .