غادر الغادر ولا تزعل ان بيك غدر
ولا تبايع البايع ولو بالدهب اعتزر
ولا تتابع التابع يخون خد منه الحزر
ولو مشى نحوك سمتي عنه لا تميل .
والاصلح لك لا تفضل منتظر
***
بينك وبين ربنا ف المخير بهواك
انت مسؤول اذا الشيطان غواك
بس ياويلك من ضميرك
اذا ايقظك في يوم ولا صحاك
؛؛؛
ياللي بترحي الرحي
حبه حبه ع الحبوب
دي بطون ومتشرحه
دونا عن كل الشعوب
،،،
كان يعملها ويجري
وفص ملح وداب
ويرجع تاني علي حجري
ويطلع من تاني كداب
اعمل ايه معاه ولا اسوي
وهو ما بيقبلش عتب
غير اقوله اجري هوي
واياك توقف لي علي عتب
،،،
إياك تشتكيني لقلبك إياك
ولا تستغل وجودي جواك
ماهو انت ساكن ف قلبي
وبدل ما انا اللي زعلان منك
قليبي هيزعل مني عليك وياك
إياك
،،،
في نوع كتير م البشر
كل ما تبعد مسافتي عنه
كل ما يتم شفاي م الشر
ده كفايه بس سوء ظنه
ف عز البرد تحس الحر
،،،
شاي اليهود
شايكم لا شاي مسلمين ولا حتي شاي نصاره
شايكم شاي متعلمين المحبه لجل ما تزرعوها ف العالم حقاره
وانا قلبي ف قلبه شاشه يظهر لي صور علي ما انه طيب حزين
شايكم شاي خبس ستارته البشاشه وطول ما قلبي لمح زين
ضحك المجانين من ضحك السكاره شايكم لا شاي مسلمين
ولا حتي شاي نصاره ضعتوا وضاعوا معاكوا المسالمين
والعراق والقدس وفلسطبن بيت بيت حاره حاره
شايكم شاي شياطين تقتل وتدفن تزيدوا فرح وبشاشه
شايكم شاي اباليس تقتل الروح من غير بنادق رشاشه
شايكم مخلوط بالغدر وسم ما منه رجا ولا حتي فضل
شايكم شاي دين يهودي اعترفنا بيه ف حين يهود مافبهم عدل
،،،
وانا عايش مرتاح
وقسط من السعاده
فجأه الحظ مر تاح
هي نفس القصه عاده
،،،
باي وضع م الاوضاع
سكك و بنلملَم روحنا
بقدر المستطاع
لا جينا فيها ولا روحنا
،،،
ما تقول يا ندل. مين شار
مساكين نزلت وتابعك. قب
ماتكونش جابوك منشار
في الرقاب عمالها قب
،،،
احنا دافعين القصب
ترموا علينا المصاص
عالم بكدبه متقصب
بديتوا ع العالَم صاص
الاصيل زي الخشب
تدوسه ف الميه يطفي
وعيل الفرخة شب
وان قب لا يغفر ولا يعفي
والواطي ان بقي منشار
تلاقيه ف العالم قب
ماتقولي يا ندل مين شار؟
وقال البهيمه ده قب
،،،
ويا رب يا اللي فوق
اكشف كمان ف الناس
ودروس جعلتنا نفوق
كنا بنشتري ف نحاس
ولحقنا ابن المحروق
ووفر علينا الماس
لما قام كا التور مطلوق
فاكر لنفسه اساس
لكن ربنا والحق
عارف مين اللي اساس
لما قال اصخي الحق
لا توقع في اللنصاص
حطينا ادينا ف الشق
قصب يرمونا بمصاص
لكن الله اللي مجير
،،،
وسجنوني ورموا المفاتيح
وقالوا سجانك غايب
دافعين دهب طلع لصفيح
وقالوا عيب ده احنا قرايب
وعدوني ضمن المجاريح
وطلعوني انا عايب
لا عرفوا محمد ولا مسيح
وجيب الغلبان اهو سايب
ما سرقوا اموالهم تماسيح
في القسمه مالهم ولا نايب
قانون ومتشرح تشريح
وانا شلاتين ولا حلايب
،،،
خذ من ملامحهم إجابه
وإختصر عن نفسك كلام
عشان ما تقولش ايه جابه
وان سلم رد السلام
وكل واحد داخل من بابه
والندل علي نفسه لام
،،،
مقامك ما هوش بإنتقامك
اكظم غيظك وانت قادر تنفذ
وامسك بالقوي في لجامك
بالتواضع فارس مقفذ
وقت الغضب امسك لسانك
في اختبار الله تحفظ
لا تنسي مهما علي شانك
سفيه فعل ولا تلفظ
لفط الجلاله نشانك
،،،
في ناس لما بتأشر
ايديهم بتطول طوالي
من غير وشوشهم ما تكشر
لكنهم ف الادب عوالي
،،،
يا مصر
يا تسيبينا يا نسيبك علي ما نصلي العصر
تكوني اخدتي القرار وربنا يكتبلك النصر
ولا ضرر ولا اضرار وحصليني ع الجسر
،،،
صرفت عن الدنيا دي نظر
قالوا لي تعال اصرف تاني
وانا كنت واخد اكبر حظر
اصبحت علي نفسي الجاني
،،،
زي سؤال إجباري ياجي بهداوه
والسؤال ما لهوش حل
تعمل خير يظنوا ظن العداوه
يعقادوك ويطفاحوَك الخل
تيأس وتبعد م الشكاوه
تلاقي سيف العشم إنسل
وكل منهم طالب م اللي امرضوه يتداوي
حد يا عالم يشوف لي ف الورثه حل
ربنا يكرمك لجل ما صبرت بكل عفاوه
تلاقيه جايلك وعامل نفسه بيتزل
تعبان بيلدغ الذاي يروح يتحاوي
تلاقيه يمكر وبكل الغل يتغل
اتاريه قال عايز يتساوي
،،،
خبيت الصراحه وكذبت
كتمت عل قلبي انشراحه
مع الاحزاب إنت تحزبت
حتي اخد عدوك براحه
***
لا انا اشتم فيك ولا اذم
يا اللي انت عمالها تردح
ولا انت اصلا عدت مهم
ما هو ناقص كمان نمدح
،،،
من يزرع ف قلبك
مرار وعله وقسي
بدل ما تغضب ربك
افضلك انك تنسي
،،،
شايف ف الارض قاعده
شايف ف السما طيران
والعالم قايمه وقاعده
مزنوقه ف كذا دوران
،،،
عالم تصوم بالكدب لجل ما غيرها تبلي
ترمرم وف العين هدب وتفتف وتجيب لي
اجي اصالحه وهو غلطان برضه ما يطيب لي
يلاقيني مظلوم سرحان ياجي يطبطب لي
،،،
لو ليا ف الحظ قنديل
لزرعت لغيري طوله
لكن حظ العرقان ديل
يخسر كل اللي طوله
...
لو لينا في البر قنديل
لزرعت فدادين رجَوله
لكن حظ العرقان ديل
وبوارد في الحر جوله
...
لو ليا ف الغيطان قنديل
ما كان عدوي راحوله
لكن لكل عرقان ديل
حتي من سفيه صراحوله
..
قلبي اللي دايم حزين
ولا فيش مسره حوله
ويوم مات فيه حزين
وبالدفنه ما صرحوله
...
لو له ف السخي قنديل
لزرغت منابي طوله
لكن لكل عرقان ديل
يخسروا دايما بطوله
لما قندالوها قنديل
عاش الدنيا بطوله
،،،
معاك وعليك فجأه بيتحول
الي عدو خطير ولدود
كان بارع تمثيل م الاول
ومخبئ انه عليك حقود
،،،
في حاجه ممكن تكون ما هيش تقاوي
وياجي لك من يدفع الف عشان غاوي
تقوم انت تطمع وتنزل بيها سوق الدلاله
ع الميزان ماتجيبش جنيه
تقوم ترجع للتمن اللي ما وافقتش عليه
هايكون طبعا عرفك بخست بيها يا قناوي
هايقولك غير ربع جنيه ما دافع هاتقوله ايه
،،،
لو بضاعتك نزلت بيها يا جاحد سوق
هايصبح تمنها مع الباقيين واحد يا وش القوق
جنيه هتسوي جنيه اقل هتسوي اقل
هاترجع تاني للغاوي اللي كان فاكرها تقاوي
وانت اللي كنت بالف مستقل
،،،
ارسلنا رساله بالسلام
ملا صفحته بالشتايم
اه م السفهاء يا سلام
ده الَبعد عنهَم غنايم
،،،
رجلينا لفت ولم عترت
جه اتمدن بالبلغه نايم
فعلا الامراض كترت
والبعد عنهََم غنايم
،،،
لما الكداب يكدب
صاحب العقل يمايز
ولما الدنيا تحجب
شوف انت ايه عايز
،،،
وان رعيت ارعي نوار
واياك ف المرتعي ترعي
وادخل بساتين وازهار
علي نيل موش ترعي
،،،
مشيتنا مع الخسيس والله اكبر خساره
بس ظروف جمعتنا
الصنف الردئ رخيص دايما يديك اماره
ومنا وبكانا بدمعتنا
بانه فعلا شي نقيص ويدي رمز واشارة
بانه هيسرق زيتنا
ولما خر م الكيس احرج قام شن الغاره
ويقول الدنيا جرحتنا
ما هو ضعيف سيس والغدر صبح كاره
،،،
يصنعوا لك ف علتك
لجل ما ينتطروا ذلتك
ولا تسلم ولا تصافيهم
يشكاكوك في ملتك
،،،
واللي ف يوم بالوفا جالي
اخدني قال وسط الاعداء
ده بن عمي وده ابن خالي
عرضني وسطيهم في داء
جيت اقول اوقف معايا
كبش فدا ولا في فداء
قال والله موش بهوايا
القدر عاد كيف ما شاء
،،،
موال مصري أعرج.. اللون احمر. عن غدر وخيانه
من له يد ف اللي حاصل عقاب الله فيهَم شديد
شهدا ابطال وبواسل ع الكفره مقامع من حديد
حور العين لشهيد بتراسل مع عقاب كافر شديد
الله يا بلد الامنين.الله يا بلد السالمين ده ناضل
الله اخدهم احبابه هو يحسبهم داخل الافاضل
حساب الله هو اللي عادل فرق بين كافر وشهيد
،،،
يلا بالمزيل نزيل
وكفايه اصلا غلاسه
ولا انت نزلت فيها نزيل
ما لابسن للمرمغه لاسه
،،،
موال خماسي اعرج... اللون احمر
النصيب زي المزاد ياما عليك هايرسي
لا انت هاتقدر تنسي ولا انتي هاتنسي
واالي اذي البشر وسار جواهم بيعصي
ويعد كل ما مروا بيها بسفاهه الله حي
اياك تسال الايام تقولها ليه عليا بتقسي
،،،
موال سداسي مصري... احمر
السنين تطوف واتعدي ياما واتمر
غير الهموم وراها ما في يوم تجر
ايقنها زين اذ كنت فعلا مليح وحر
اياك في يوم تظلم ولا تعرف روح ما ظالمه
فبهم من بتوجع من غير ما يقدم لله مظالمه
اكيد هاتلف والله بس عالمه ينزح عليك المر
،،،
قالب... موال سباعي مرصع .احمر
ذنبك ملازمك مهما تطوح ينادمك
وتفرح تنوح ما تعرف تعالج ندمك
ما بين ما تروح ها يفضل ملازمك
لحد ما تندفن في اي بقعه ف ارض
برضه هاتخرج بيه لحد يوم العرض
سنين طوال ما هي الشقاوه فرض
لحد ما تنكر وجودك وتتمني عدمك
،،،
الموت ياما ناس هايبعت
شاور مين فيهم قول انهي
والدنيا تزهي وتبهت
قول بدأت ولا عارف انهي
...
من سرحانه لساهه
جه يفكر في صاغ نام
عالم كسلانه لساها
وهو هيرعي لسه اغنام
...
شريت سياره مالها بنزين
جيت اصلي ما عرفت قبله
كل ضمير اهو بان زين
وده ناوي خير وده متقبله
...
كافر قال معي اترقبله
وعاش علي صرخه صايم
ولا ريت يوم عتره قبله
سلامه كاَم سار خصايم
...
تتبت ف الردي ما تنبت
خلق والشمس وكلاه
وليه كل الزرعه ما تنبت
تلقي الزرازير وكلاه
...
واليتيم من صرخة ساير
غير ما ف العالم وقدسه
قد ايه سار خساير
بين البشر لما ساق ف خبسه
...
بلا جيم بلا خه بلا حه
قال عامل وشه وش مناضر
ع النخله بقول ارمي بلحه
ولما شافني عمل ما ناضر
،،،
قال قالو الحياه ما تنفع
بلا لخت قال او بلا لخ
فيك نبي زين ويشفع
خلاص بلا عجن بلا لخ
،،،
صلة الرحم موصوله... لو القلوب مغسوله
غير كده لف ودوران... والكلمات معسوله
،،،
من شمت فيك ولا ذم
بقمع حديد بطنه اتغمت
واللي ما كنش حده لزم
عنيه بالرمله تغمت
،،،
نتمني صلاته تعيش فينا
ومن يوم عادانا ولا شمت
صلاته كفيله تشفينا
وعيونه بتراب تتغمت
،،،
اقول لك كلمتين والحق
ف سوق الدلاله معروض
لما قالوا يلا للي يلحق
وجالك من عاد مفروض
،،،
ناس شيك مع الشيك
وغيرها يسم البدن
وبعد ما وعدني ع الاكل
رجع وقال هاكتب ع الشيك
قولت اذ كان الله اذن
لسه هرجع في كلامي
وماله ع الشيك ع الشيك
نحمد الله الجيب مليان
جيت اقعد ع الاكل
دني باصله جه ضارب ف المليان
افضل م الخراب والقتل
وقال خلافنا ان نعشيك
راحوا لفوا علي مية شكل
قالوا الطرف هنا قال
واشرب موش م البحر
اشرب من خليج عدن
إضرب راسك ف الصخر
واللي جالهم خزلهم
ولما ركبهم الحزن
رجعوا وقالوا تعا انت بدالهم
ساعتها قولك الله اذن
للعبد لله بلا فخر
ممكن انت وهو وهما
ع العجين امشيك
،،،
الفطيس يفضل فطيس
حمار عكيس بلاقي من يسوقه
والنفيس يفضل نفيس
حر ما يتعرضش ف سوقه
،،،
هاخرج من دنيا ما دخلتهاش
لانها سقطت من نظري
وهاخد الباب في ايدي وانا طالع
وانا واخد من غدرها حظري
،،،
هند حمدي عبد الكريم السيد
مروة كرم محمد رشاد
د. ايمان احمد ابو المجد الدواخلي
مني مفرح عبد السلام دبوس
داليا فاروق بدر بدر ابراهيم
د. نهله فتحي بيومي حموده
خالد عبد الرحيم خضير العامري
عبير مصطفى محمد متولي
زينب حمدي 
د. عبد الوهاب المتولي بدر 
د. نهله عبد الحكم احمد عبد الباقي 
د. محمد عبد الوهاب المتولي بدر 
د. شيماء أحمد عمارة 
هبه عبد الفتاح عثمان الدقوني 
ياسر محمود سلمي 
حنان صلاح الدين محمد أبو العنين 
م. اشرف عبد الصبور الكرم