ليالى فى بيت المحترم ✨
نوڤيلا تابعه لرواية (وللرجال فيما يعشقون مذاهب)
. '.'. '.'. '.'.
لو خانت الدنيا
وخان الناس
وابتعد الصحاب
عيناك أرضٌ لاتخون (فاروق جويدة)
. '.'. '.'.
الفصل السادس

وعندما عادا، اقتحمت حسناء فكرة شيطانيه فى مخيلتها اثناء العودة..
وما ان وصلا، اخبرته ب ان هناك ملفاً مهماً أعلى الخزانه تريده، ليصعد عمار فوق السلم الحديدى كى يجلبه لها لتقوم هى بخطف نظرة خارجاً ومن بعدها هللت بصوت عالِ وهى تصرخ
_ايه دا يا بشمهندس، احنا ف ادارة محترمه وانا زميلتك انت بتعمل ايييه؟!
إنتبه عمار لصراخها ونظر لها متعجباً حائراً من أمرها!! قطعت حسناء جزء من ثوبها وقامت بتخبئته بيده وهرولت سريعاً إلى مكتب المدير بعدما تجمع معظم الموظفين وكان هذا على مرأى ومسمع كل من حضر الموقف واصبحت همهمات الموظفين واضحه ب أن البشمهندس عمّار قام بالتحرش من زميلتهم حسناء!
هرول عمار خلفها ودفع الباب فوجدها منكبه على يدها تبكِ وتشهق كالأفعى، اما عن المدير فنهض من مكانه
يتحدث إلى عمار بنبرة إنفعال وتوبيخ قويه
_إيه دا يا بشمهندس، تحرش وفى مقر العمل ومن زميلتك المحترمه!
انا حالاً هثبت حالة وهطلب نقلك من هنا

إتسعت حدقة عمار من هول المفاجئات التى تمطر فوق رأسه تِباعاً دون ان يفعل لها حساب ف أردف بعصبيه بالغه
_انا مچتش ناحية الأستاذه، دى تلكيكه عشان تنجلنى من هنا لأن واجفلك فالزور
مش بعيد تكون متفج معاها تعمل كدا، بس مش أنا ولا سمعتى سمعة واحد من بيت نچم الدين الل تتلطخ عشان واحد زيك وزيّها

اقترب المدير منه وهو يهتف بصوت عالِ
_انا هنقلك من هنا دا غير اثبات الحالة والمحضر يا بشمهندس عشان تتحدانى فالشغل بعد كدا
صفع عمار الباب بقوة وتركهم بعدما ضحكت حسناء وقامت بفعل الغمز ب إحدى عيناها وصافحا بعضهم البعض علامة على الانتصار..
. '.'. '.'. '.
_اتفضل يا دكتور مدحت..

نظر مدحت الى الاوراق الماليه ومن ثم نظر إلى حبيبة غير مستوعب ماذا يحدث ف اردفت حبيبة بهدوء
_احنا مستغنيين عن خدماتك، دى مكفأه لشغلك معانا الفترة الل فاتت وياريت تخلى عهدتك ومكانك انهاردة
انزعج مدحت وبدا ذلك على قسمات وجهه ليردف لها بصوت ناعم لعل وعسي تعود فى قرارها

_ليه كدا يا دكتورة حبيبة، هو حصل حاجه منى او حصل اى تقصير؟!
سخرت حبيبة من كلماته لتردف بقوة لم تعهدها من قبل، ولكن ذلك ما اتفقت عليه هى وحفصه وتقوم بتنفيذه بالحرف الواحد
_هو انت مش شايف يا دكتور ان حصل منك حاجه! انا ست متجوزة وبحب جوزى جدا وعندى بنت
وانت جاى بكل وقاحه تقولى انك بتحبنى!!

بلل مدحت شفتيه وابتلع ريقه ليجلس امامها محاولاً ردعها فى قرارها بالتهدى او الترجى
_ممكن حضرتك تسمعينى
_للأسف الموضوع إتقفل، اتفضل مكفأتك ومع السلامه
وياريت تمشى بهدوء قبل م تكبر فدماغى والل قولته ابلغ بيه جوزى وانا مش عاوزة اشرحلك هتكون إيه رد فعله، انا جوزى من عيله بتتكلم بضرب النار مبتتفاهمش تخيل لما يعرف انك قلت لمراتك انا بحبك
هيعمل إيه

قام مدحت ب أخذ المال بسرعه وهو يردف
_لا وعلى إيه، اشوف وشك بخير يا دكتورة

تركها وذهب يخلى عهده ويترك مكانه لطبيب آخر جاد فى عمله، وبالفعل نجح مخططها مع حفصه دون علم عمار..
عمار الذى هو فى وادِ آخر، فقد اتت الشرطه واثبتت حاله وقاموا بفتح محضر معه وبشهادة الشهود
كان الحديث متضارب وليس فى صالحه، وللاسف لأن عمار يعمل ب مجلس مدينة احدى مراكز الاقصر، ف ميزة تركيب كاميرات المراقبة فى مكاتب العمل والمصالح الحكوميه لم تصل إليهم إلى الآن!
اخذت حبيبة شهيق عميق وكأنها ارتاحت من جبل كان جاثماً فوق قلبها وانفاسها، امسكت هاتفها وطلبت امنية زميلتها وبعد السؤال عن الأحوال طلبت منها عنوان معالجه نفسيه متمكنه غير السابقة واخبرتها امنية ان اليوم سيصلها عنوانها ورقم تليفونها عبر الواتساب.

. '.'. '.'. '.'.
فوَسوَس له عقله أن استفيق! هكذا تزهو البدايات لتعمي البصيرة عن بشاعة النهايات التي ستخنق عالمك وتمحو أثر كل جميل ليبقَ رماد ليس له معنى.
شارد وليد بعمله، يستمع إلى اغانى ايهاب توفيق كعهده تاركاً مهامه؛ يفكر فيها.. ل أول مرة منذ عهد مضى
ينشغل هكذا، يشعر انه مرغوب فيه لأنه هو ليس لأنه زوج مناسب، او لأنه صديق حميم أو أخٍ رائع..
هناك من يُغرم به لأنه هو.. وليد، فالمكالمة الهاتفية الطويله اصبحت مكالمات.. والرسالة رسائل، اصبح اول شئ يبحث عنه بعدما تطئ قدميه مقر عمله.. هى!! وعيناها وحديثها.
وسط هيامه مع الاغنية وتعايشه مرحلة مراهقه متأخرة، دلفت دعاء على إستحياء إلى مكتبه وتنحنحت كى توقظه من شروده ليستقبلها ب إبتسامه واسعه ويردف لها مُرحباً
_ياهلا ياهلا
_آسفه لو كنت عطلتلك بس جايه اقولك وامشى على طول اروح مكتبي

تبسم وليد ليردف لها يداعبها
_وليه على طول كدا، مش يمكن انا الل عاوز اقعد معاكِ
أحمرت وجنتى دعاء وقالت له بصوت ناعم
_إيه رأيك بعد الشغل، طالما المدام لسه مش فالبيت، نتغدى سوا فمطعم السمك الل فتح جمبنا وانا عزماك ياسيدى
_وه! كمان تعزمينى، لاه طبعاً شكلك متعرفيش وليد نچم الدين، العزومة علىّ
شعرت دعاء بالسعاده لتقول بعينان فرحتان
_يعنى موافق!
_طبعاً
_بس انا الل هدفع
طرق وليد كف ب كف وقال لها ساخراً
_عجولك وليد نچم الدين مش عتكلمى روبي انتِ
_بس انا فرحانه اوى وعشان كدا عاوزة كل الدنيا تفرح معايا

امال وليد رأسه إلى الامام ليدنو منها فتحدث هامساً
_متجوليلى فرحانه لي؟
ضحكت دعاء ضحكه خجل ونهضت وهى تردف
_واحنا بنتغدى هقولك

تركته وانصرفت من المكتب، ف حكّ وليد فى شعر رأسه وهو يدندن
_وإزاى يعدى يوم عليهااا من غير ماعينى تشوف عنيهااا
. '.'. '.'. '
لأول مرة، منذ اول يوم زواج لهما، صوت مرتفع يخرج خارج منزلهم عبر مشاده كلاميه حادة بين حبيبة وعمار!
_بجولك معملتش حاچه ازاى يعنى مش مصدجانى
_يعنى إيه هى بتتبلى عليك! فيه واحده هتجيب تهمه لنفسها؟
_معرفش بجا بس كل الل عاوزك تعرفيه انى مظلوم
_وزمايلك الل بيشهدوا انك كنت معاها فكافيه قبل الل حصل كدابين!!

نظر لها عمار وصدره يعلو ويهبط من شدة العصبيه مع قوله
_ايوا كنت معاها يا حبيبة بعد المعاينه شربنا عصير كانت الدنيا شمس
جلست حبيبة الى الفراش وقد اغرورقت عيناها بالدموع واحمرت لتردف بصوت متهدج
_عمار قولى الحقيقه، انت كنت بتحكي لهمام ووليد عنها والكلام وصلنى، واضح ان بسبب الجفاء الل بيننا هى عجبتك وحليت فعينك

فغر فاه عمار، اتتحدث حبيبة صدقاً! هى تصدق ما أشاعت به هذه الحمقاء، قلبها لن يحدثها ولو لمرة ان زوجها مظلوم!
نظر لها نظرة الحسرة وأردف لها
_عليه العوض ومنه العوض، افتكرى الل تفتكريه يا حبيبه، انا اصلا مش مصدج انى واجف بحاول ابرئ نفسي جدامك بدل ماتكونى اصلا متأكده من برائتي
تركها بالغرفه وانصرف يترجل بخيبه أمل لتخرج له حبيبة ناطقه بما لم يكن فى الحسبان
_يبقى مدام وصلت للخيانه، يبقى تطلقنى يا عمار!!
مسك عمار قلبه يعتصره واستدار لها قائلاً غير مصدق
_بسم الله على جلبي، عتجولى إيه يا حبيبه؟!
. '.'. '.'. '.
كانت ترتدى حفصه وشاحها فدلف همام الى الشقه بعدما انتهت القاء دروسه الخاصه اليوم، فوجدها فى عجالة من أمرها ليهتف لها
_رايحه فين يا حفصه
_رايحه لبيت عمى درويش
_ليا؟ عم درويش حصلله حاجه؟
_لاه حبيبة هناك.. كلمتنى عتبكي وجالتلى دبت خناجه مع بتاع الحريم سى عمار وطلبت من الطلاج وخدت بتها وراحت بيت ابوها

تركته وذهبت إليها دون أن تصطحب أى من اطفالها معها، اما عن همام فكان فى وقت قصير قد وصل إلى عمار ليجد وليد هناك ايضاً..
_مش عارف هطلع ازاى من المغرز ديتى
حك وليد بذقنه وأردف خائفاً
_يعنى البت دى متفجه مع المدير يطيروك! يامرارى لا تطلع دعاء زيّها دا يبجى هوايل علينا وعلى الل خلفونا صوح

تمعن عمار فى وجه وليد النظر ليهدر به بعصبيه
_انت لسه عتتكلم مع البت دى؟
تلعثم وليد ليردف همام إليه ايضاً
_لاه يا وليد، اظبط كديتى وجول انى اتظبطت بيتك ومرتك وعيالك تنساش

نهض وليد يتحدث إليهم بعصبيه مضحكه
_ياناس افهمونى، اول مرة نحس انى مهم فحياة مرا.. انى حلو.. انى شيك.. انى اى بلوة زرجا
مش مكنة ATM وبس وطلبات طلبات وتعبير الحب هو مرار آخر الليل وبس

نهض عمار ليمسكه من ياقة قميصه مع قوله ينهره عما يفكر ويردعه
_اسمع، تلاته بالله العظيم م نهيت علاقتك بالبت الفجرية دى لانروح نبهدلها فالبنك
واحده وعتلوف على راچل متجوز ومخلف أورطه عايزة منه إيه
_ياسلام م انت كنت عتعرف بنات ياخى ومكنتش عكلمك
_كنا فاضيين يا وليد مش اصحاب بيوت

قام همام كى يخفف من حدة الموقف موجهاً حديثه إلى عمار
_المهم دلوك، هتعمل ايا فمصيبتك وهتطلج حبيبه صوح؟
فى منزل الحاج درويش
_اتچنيتِ انتِ! لاه رُدى عليّ وبصيلى اتچنيتِ

تحدثت حبيبة ب أسى لتردف
_ياحفصه كل الشواهد بتقول انه خاننى
_خانك ايا ياغبيه، الراچل مظلوم تجومى تزودى عليه بطلجنى وتسيبيله البيت بدل م توجفى چنبه!
_احنا لازم نتطلق يا حفصه، عمار بقا يبص برة ومبقاش يحبنى ومبقيناش ننفع بعض
_راكبه دماغك يعنى يابت عم درويش؟!
_ايوة.. ودا آخر قرار
. '.'. '.'. '.
تمرّ الأيام..
يفكر عمار فى الخروج من مأزقه وحيدًا، وحبيبة وحيدة بمنزل والدها درويش، ووليد يغرق فى بئر الوهم مع دعاء اكثر واكثر.. وعبله انتهى عُرس شقيقها وعادت هى واولادها الى منزلها أخيراً.
لتشعر بتغير فى وليد، اصبح كثير الشرود وسماع الاغانى وتطول فترة غيابه خارج المنزل كثيراً، اصبح يفتعل معها المشكلات بداعِ او بدون وان سألته عن تغير أحواله يحدثها عن مشكلة ابن عمه عمار فالعمل وايضا حديث بلدتهم هو انفصال حبيبة وعمار بعد كل هذا الحب!
فقد حاول كثيراً معها وليد وذهب لها بمنزل والدها عدة مرات يحاول ان يُردعها على فكرتها هذه، وحفصه وهمام ولكنها كما هى!
اما من ناحية والدا عمار وحبيبه ف والدعمار يحبذ الفكرة حتى يجد سعادته مع اخرى التى تهتم بتفاصيله ووتفرغ يومها له ولطلباته ولتنجب له الكثير من الاولاد،ولايتغير كثيراً موقف درويش هو ايضاً لايحبذ تلك الزيجة منذ بدايتها، لايعلم ان حبيبة تشرع فى انها ستترك البلاد بغرض علاجها ولن تعيش معه.
كان يظن عمار انها زوبعه وستعود ولكن حبيبة كانت تدرك كل كلمه وقد هان عليها كل معانى الحب التى اغدقها عليها عمار منذ نعومة اظافرها.. فقد تجمد قلبها وطلبت الطلاق للمرة الثانيه والثالثه فى رسائل عدة ليرضخ أخيراً ل طلبها.
وعند مكتب المأذون الشرعى، كانت حبيبة وعمار أمام بعضهم البعض..
_قول ياسيد عمار.. وعلى ذلك ف إنتِ طالق منى

هبطت عبره على وجنتى عمار لتسير على فمه المرتجف لايستطيع نطقها، ربت وليد على كتفه يحاول ان يجعله يتماسك، لتختبئ حبيبه فى احضان حفصه، فيردف المأذون
_يلا يا استاك عمار قول، وعلى ذلك ف انتِ طالق مني
تمعن عمار بعينا حبيبة التى لأول مرة تكونا قاسيتان هكذا
_مش جادر يا حبيبة
_قولها ياعمار.. قولها وماصعبهاش عليا الله يخليك

حاول ان يتفوه بها بفم مرتجف وعينان حمرواتان واردف
_وعلى ذلك... وعلى ذلك ف انتِ طالق منى!!
انطلقت الرصاصة بصدريهما، فمن اليوم اصبح قصة الحب الل كان فعل ماضِ وذهب كل حبيب منهم فى وادِ غير وادِ الآخر.