في مرحلة لطيفة من النضج بتخليك تبطل تجادل ..تناقش ..تشرح ..تبرر.. هتقتنع ان مفيش اي داعي لمجهود تغيير افكار الاخر لان كل اخر مقتنع ان فردة الشبشب اللي جوه دماغه حتة الماظ ..هتتصالح مع فكرة انك انت شخصيا قبل ماتدافع عن ارائك ومعتقداتك ووجهات نظرك وتتشنج اوي انك ممكن تطلع عادي حمار ومش فاهم وتتغير افكارك في اول ضربة خلاط او تجربة حقيقية

النضج دمه تقيل بس مريح بيخليك تتكلم اقل وتسمع اكتر وتقلع بدلة الحرب وتلبس البيجاما ..هتدور ع النكتة التافهة والصحبة الرايقة وهتتعامل مع الحياة كلها بدور المشاهد اللي بيتفرج علي فيلم كوميدي الناس فيه بتجري وبتقع من الولا حاجة