وحشني رمضان بتاع بوجي وطمطم والكنافة البيتي المحشية مهلبية ...وحشني صوت المدفع والبمب والحبش والفانوس ابو عصفورة وتواشيح النقشبندي  وقران المغرب بصوت عبد الباسط. ودرس الشعراوي .. وحشني رمضان بتاع شيريهان ونيلي والاشكيف اللي مش مخيف...وحشني رمضان قبل اختراع الدايت والسعرات ..وحشني رمضان بتاع اعلانات الزبادي والسمنة...انا مش عايزة رمضان بتاع الكنافة بالنوتيلا ولا فانوس ممسوخ مش عارفة اصله .. ولا رمضان بتاع اعلانات الكومبوندات لسكان الكواكب المجاورة ..مش عايزة الشباب الكيوت اللي بفورمة الساحل اللي بتقولوا عليهم دعاة.. مش عايزة قران بصوت شيخ سعودي ولا تواشيح بصوت تامر حسني..ولا مسلسلات تخلينا نشتم اكتر مابنضحك...مش عايزة رمضان اللي بنحسب فيه اكلنا كام صوباع محشي علشان لازم نبقي ارفع من دينا الشربيني ..مش عايزة رمضان ابو رسايل ماسخة مجمعة وادعية منسوخة من بعض ..مش عايز رمضان اللي مش لاحقين نقابل بعض علشان بنجري ورا اشغالنا واوهامنا ومكتفيين برسالة ماسخة ..انا عايزة رمضان بتاعنا ياحرامية