حنيت لنفسي زمان

لحضن أبويا

والإحساس بالأمان

حنيت لبيت العيلة

واللمة في حضن

جدي وجدتي

وعمامي والخيلان

حنيت لأيام الصبا

ونفوس صافية وطيبة

وقلوب من بعض قريبة

حنيت لأيام الشباب

ولحب عمري اللي

من يوم فراقه

الشعر شاب

والقلب من 

أشواقه داب

حنيت لوجود ابويا

وحبه ليا ولهفته

لو مرة طولت الغياب

حنيت لحضن عمتي

وحنية جدتي

ولحب جدي

وحكمته

حنيت لنفسي

لما كنت أنا

حنيت لأيام الهنا

حنيت أرجع أكون، أنا.